Каманда Беларускага расследавальніцкага цэнтру

Кіраўніца аддзелу расследаванняў.

У журналістыцы з 2012 года. Аўтарка і вядоўца юрыдычнай праграмы на дзяржаўным тэлеканале СТВ да 2019 года. Ужо там «даставала» нядбайных чыноўнікаў і нядобрасумленных бізнесменаў. У 2019 годзе прыйшла ў Беларускі расследавальніцкі цэнтр. У 2021 годзе атрымала прэмію «Вольнае слова» за расследаванне пра фэйкавыя беларускія супрацьракавыя лекі. Працавала над расследаваннямі з OCCRP, «New York Times», «15min», «Праект», «СХЕМЫ».

Кіруюся падыходам «нашыя расследаванні не павінны праходзіць бясследна для тых, пра каго мы гаворым».

Працавала на дзяржаўным тэлеканале СТВ. У Беларускі расследавальніцкі цэнтр прыйшла ў 2020 годзе. Суаўтарка расследаванняў пра міграцыйны крызіс, фальсіфікацыю статыстыкі COVID-19 у Беларусі і фэйкавае імпартазамяшчэнне медычнай тэхнікі. Спецыялізуюся на OSINT у сацыяльных сетках, а таксама адказваю за візуальную частку расследаванняў. Да адʼезду з Беларусі адсочвала карупцыянераў, а цяпер даймаю іх нязручнымі і вострымі пытаннямі па тэлефоне.

У журналістыцы з 2010 года. Доўгі час працаваў у найстарэйшым беларускім недзяржаўным інфармацыйным агенцтве «БелаПАН». З 2021 года далучыўся да каманды Беларускага расследавальніцкага цэнтру. Удзельнічаў у міжнародных расследавальніцкіх праектах Pandora Papers і Shadow Diplomats. Рабіў сумесныя расследаванні з OCCRP, ICIJ, «Guardian», «Süddeutsche Zeitung», «Siena», «Re: Baltica», «Delfi», «Праект».

Журналіст-расследавальнік з Беларусі. Першы беларускі журналіст, які ўвайшоў у шорт-ліст European Press Prize. Пачаў сваю расследавальніцкую дзейнасць з гісторыі пра ЧОП «Гардсэрвіс» Віктара Шэймана і таемную золатаздабычу ў Зімбабвэ набліжанымі да Лукашэнкі бізнесменамі. Першы беларускі журналіст, які на дакументах даказаў хабар самому Лукашэнку.

Вядоўца шоў Weekly Top Fake. Пасля здушэння пратэстаў у 2020 годзе вымушаная была выехаць з Беларусі. Аўтарка і вядоўца дакументальных фільмаў-расследаванняў, першая віцэ-міс Менску. Цяпер вучыцца ў магістратуры Варшаўскага універсітэту па спецыяльнасці журналістыка.

Аўтар і вядоўца праграм «Навіны з Чалым» і «Чалы: Эканоміка». Апошні праект зʼяўляецца трэцяй рэінкарнацыяй легендарнай праграмы «Эканоміка на пальцах» на партале TUT.BY, якая існавала з 2010 года (з 2019 па 2022 – «Эканоміка з Чалым» на тэлеканале «Белсат»). Працаваў эканамічным аналітыкам з 1998 года на расейскім фондавым рынку, да гэтага – у аналітычным цэнтры адміністрацыі прэзідэнта РБ. Уладальнік прэміі Global Belarus Solidarity Award 2020. Адзіны і лепшы ў краіне спецыяліст па герменеўтыцы прамоваў Лукашэнкі.

Кіраўнік Беларускага расследавальніцкага цэнтру.

Атрымаў нацыянальныя прэміі «Вольнае слова» (штогадовы конкурс, які праводзіцца Беларускай асацыяцыяй журналістаў) за журналісцкае расследаванне ў 2018, 2019 і 2020 гадах. «Вольнае слова 2021» за аналітыку і прэмію «Шоу года» (2019) ад «Белсату» за праграму журналісцкіх расследаванняў «Давайце разбірацца». У журналістыцы з 2009 года. Да прыходу ў журналістыку працаваў у кампаніях па аналізе рынку Euromonitor International Plc і Marcus Evans Plc.