Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Нашыя журналісты атрымалі прэмію Ганса Штайгэра за журналісцкія расследаванні ад Міжнароднага цэнтру журналістаў (ICFJ), прэмію за свабодныя СМІ (Free Media Award) ад фондаў ZEIT-Stiftung Bucerius і Fritt Ord, а таксама прэмію за дасягненні ў журналістыцы дадзеных (Data Journalism Award) ад Грамадства садзейнічання развіццю працоўнай дзейнасці журналістаў і рэдакцыі (SABEW). Наш праект Dubai Unlocked увайшоў «у шорт-ліст» Sigma Awards.
З 2018 па 2026 год нашыя журналісты таксама атрымалі 11 узнагародаў беларускай нацыянальнай прэміі «Вольнае слова».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
«ЖС Premium» распавёў пра страты УСУ са спасылкай на відэа інструктара па ёзе. Каманда WTF праверыла гэты інсайд
Журналісты Weekly Top Fake напісалі Аксане Таран.
Тэлеграм-канал «ЖС Premium» распавёў пра баявыя страты УСУ. Лічбу аўтары пачулі нібыта ў анонсе ўсеагульнай медытацыі на перараджэнне аднаго мільёна загінулых украінскіх салдат, якую правядзе майстар па ёзе Аксана Таран. Каманда Weekly Top Fake звязалася з інструктарам.
Відэа з анонсам медытацыі на перараджэнне мільёна загінулых на фронце ўкраінцаў «ЖС Premium» апублікаваў 25 чэрвеня 2024 года.
«Усе так узрадаваліся, што ніхто нават з радасці не заўважыў, што “ёгіня” агучыла баявыя страты краіны. Яна, вядома, не ваенны і не афіцыйная асоба, але гэтая яе агаворка вельмі сімвалічная. Проста народ у краіне ўжо прыкладна ўяўляе сабе вось такую лічбу людскіх страт. І яна нікога ўжо не здзіўляе і не палохае», — гаворыцца ў подпісе да відэа.
У роліку, які апублікавалі аўтары «ЖС Premium», няма голасу Аксаны Таран, за кадрам кажа мужчына. У інстаграме інструктара таксама няма інфармацыі пра такую медытацыю.
Журналісты Weekly Top Fake напісалі Аксане Таран. Яна адказала: «Гэта фэйк. Я нічога такога не публікавала. Гэта ўсё фабрыкацыя».
