Сварка паміж Трампам і Маскам
Сварка паміж двума людзьмі, якія валодаюць самым вялікім эга ва ўсім свеце, скончылася, не паспеўшы толкам пачацца. Усё пачалося з таго, што кандыдата ад Маска пракацілі на пасаду кіраўніка Маска. І вось ужо Маск, які толькі што пайшоў з адміністрацыі Трампа, пакрыўдзіўся на One Big Beautiful Bill («Адзін вялікі выдатны біль», эканамічны законапраект Доналда Трампа — рэд.), які, як ён палічыў, здраджвае ўсім ідэалам. Таму што ён павялічвае выдаткі, дэфіцыт бюджэту ЗША і быў напоўнены, як ён сказаў, “распілоўваннямі” і “адкатамі”. У адказ яго ініцыятыву звінавацілі ў махлярстве, а самога Маска міністр фінансаў Скот Бэсэнт назваў шарлатанам і паставіў фінгал у працэсе сваркі.
Пасля гэтага Маск ужо Трампа фактычна звінаваціў у педафіліі, сказаўшы, што дакументы Эпштэйна (звязаныя са справай асуджанага за ўцягненне непаўналетніх у прастытуцыю амерыканскага фінансіста Джэфры Эпштэйна — рэд.) дагэтуль не апублікаваны, таму што там зашмат Трампа. Тут ужо Трамп у адказ назваў Маска з’ехаўшым з глузду кончаным наркаманам і прыстрашыў адабраць у яго дзяржаўныя кантракты. Маск у сваю чаргу прыстрашыў вывесці з эксплуатацыі касмічны апарат Dragon і паабяцаў, што прафінансуе на выбарах у кангрэс кандыдатаў, альтэрнатыўных тым, хто галасаваў за гэты Beautiful Bill. Пасля чаго Трамп сказаў, што ў Маска будуць непрыемнасці, калі ён будзе фінансаваць дэмакратаў.
І гэта было апошнім козырам. Маск выдаліў свае крыўдныя пасты і напісаў, што шкадуе аб тым, што здарылася. Сварка скончылася, але асадачак застаўся. Што нам зараз вядома? Маск ведаў, што Трамп педафіл, калі выдаткоўваў сотні мільёнаў долараў на яго кампанію. А Трамп ведаў, што Маск наркаман, калі прызначаў таго чыніць лёсы федэральных службоўцаў і агенцтваў.
Лукашэнка і дрэннае кіно
Увогуле, чым далей, тым больш разумееш тугу Лукашэнкі, калі ён яшчэ ў першыя дні пасля інаўгурацыі Трампа казаў: “Эх, мяне ў Вашынгтоне бракуе”. І сапраўды, Лукашэнка мог бы паказаць майстар-клас нармалізацыі бізнесоўцаў, змагання з агульнанацыянальнымі медыямі, падначалення сабе парламенту і задушэнне пратэстаў.
А пакуль Лукашэнку даводзіцца займацца рэчамі значна больш празаічнымі. Але затое больш творчымі. У аўторак 11 чэрвеня Лукашэнка наведаў кінастудыю “Беларусьфільм”, дырэктар якой працуе з канца сакавіка, а новы міністр культуры Руслан Чарнецкі — з мінулага года.
“За апошнія некалькі гадоў гэта «трэція новыя людзі». А яны ўсё вісяць і вісяць на плячах у дзяржавы”, [— сказаў Лукашэнка]. Але гэта толькі за апошнія некалькі гадоў трэція новыя людзі. “А на маёй памяці — гэта ўжо, пэўна, восьмая ці дзявятая каманда”.
Ужо тут можна было б, у прынцыпе, задумацца, чаму дзясятак змен каманды не можа змяніць сітуацыю да лепшага. Можа, справа не ў тых, каго прызначаюць, а ў тым, хто іх прызначае? Кожная сфера, да якой дакранаецца Лукашэнка, нясе адбітак галоўнай праблемы — змены пакаленняў, за якую выдаецца нязменнасць Лукашэнкі і картаванне калоды падначаленых. Не дзіва, што мы ўвесь час глядзім адно і тое ж дрэннае кіно.
Агалоска шкодзіць вынікам
Агулам, пазаймаўся Лукашэнка кінематографам і вярнуўся да важных міжнародных спраў. Ну, як да спраў. Пра перамовы з загадкавымі дзелавымі коламі Кітая мы расказвалі ў мінулай праграме. І, здаецца, гэта праграма закранула за жывое. За Лукашэнку ўступіўся яго любімы прапагандыст Ігар Тур: “Мне аказаны давер дакладна ведаць, з кім у Кітаі яшчэ вёў перамовы Аляксандр Рыгоравіч, колькі было такіх перамоў і ў якіх сферах. Практычна нічога з гэтага мы ў тэлеэфіры не паказвалі і мы пра гэта не казалі, таму што, для пачатку, такія былі дамоўленасці. А яшчэ залішняя публічнасць у сённяшніх умовах шкодзіць выніку, а вынік — гэта тое, што самае важнае і для Менску, і для Пекіна”.
Увогуле, да старога аргумента “Лукашэнка заняты занадта важнымі справамі, каб пра іх можна было казаць” дадаўся яшчэ адзін, жалезабетонны “trust me bro”. І ўвогуле, агалоска шкодзіць вынікам. Ну, так падайце вынік. Таму што пакуль адзіны вынік перамоў у Кітаі — заблакаваныя на тэрыторыі Беларусі ЦікТок акаўнты Ціханоўскай і Латушкі.
Бульба для губернатара
Значна больш нечаканым … было раптоўнае адкрыццё пра бульбу. Ну, як раптоўнае. Увесь беларускі ЦікТок апошнім часам быў пра бульбу.
“Ах, дрэнна, бульбы бракуе, яшчэ чагосьці... Усяго хапае ў нас. Калі праверыў Камітэт дзяржкантролю некаторых дзеячаў, апынаецца, у палітыцы была справа. Бульбы хапала. Але недзе прытрымалі, каб паказаць, што, вось, прэзідэнт у цэнаўтварэнне ўмяшаўся, таму — вось вынік. А калі ён з кайданкамі прыйшоў, на стол паклаў — бульба з'явілася”, — заявіў Аляксандр Лукашэнка.
Гэтак апынулася, што Лукашэнка паабяцаў падзяліцца ёю з губернатарам Калінінградскай вобласці. … У сваёй праграме “Актуальнае інтэрв'ю” [намесніца генеральнага дырэктара Першага інфармацыйнага тэлеканалу Вікторыя] Сянкевіч паказала, як яна чакала губернатара, каб перадаць яму бульбу. … Вось гэтыя вось чатыры дзясяткі дробных пазелянелых клубняў на дне падарункавага пакета, мабыць, усё, што засталося ад некалькіх кілаграмаў купленых прадзюсарамі. Ну, а што вы хочаце? Працаўнікам Першага інфармацыйнага каналу таксама хочацца есці».
