Як расейскія і беларускія СМІ хлусяць аб «захопе» украінцамі місіі АБСЕ

Новае

Фэйкі тыдня: як расейскія і беларускія СМІ хлусяць аб «захопе» украінцамі місіі АБСЕ

1-га сакавіка расейская прэса растыражавала інфармацыю, што місія АБСЕ пакінула Данецк, а ўкраінскія нацыяналісты яе захапілі. Вось паведамленне дзяржаўнага расейскага агенцтва.

«У ДНР заявілі, што ўкраінскія нацыяналісты ў Краматорску захапілі каля 20 аўтамабіляў СММ АБСЕ, лёс супрацоўнікаў місіі застаецца невядомым», – пішуць «РІА Навіны».

Гэтая ж навіна на беларускім тэлеканале ОНТ:

«З апошніх паведамленняў: украінскія нацфармаванні захапілі каля 20 аўтамабіляў спецыяльнай маніторынгавай місіі АБСЕ. Пакуль пра іхны лёс нічога не вядома».

А вось так расказала пра гэта Вольга Скабеева на канале «Расія-1»:

«Тэрміновыя навіны прыходзяць з Данбасу. Украінскія нацыяналісты захапілі каля 20 машын спецыяльнай маніторынгавай місіі АБСЕ. Лёс супрацоўнікаў, якія знаходзіліся ў гэтых машынах, да гэтага часу не вядомы. Пра гэта заяўляе прадстаўнік народнай міліцыі Данецку. Тое, што захопленыя аўтамабілі, будуць скарыстаныя для правакацый, сумневаў, мусіць, не».

Навіна аказалася фэйкам. І вось доказ. Сайт АБСЕ не толькі не пацвердзіў выкраданні, а размясціў паведамленне аб тым, што з групай усё ў парадку.

«1 сакавіка групы назірання з Данецкага і Луганскага пунктаў патрулявання ў непадкантрольных ураду раёнах былі эвакуяваныя, а група назірання з Харкава была выведзена ў Днепр у чаканні далейшага выезду з краіны. Група назіральнікаў СММ у Херсоне застаецца ў сховішчы на ​​месцы. Галоўны назіральнік і вышэйшае кіраўніцтва застануцца ва Украіне да завяршэння працэсу эвакуацыі», – гаворыцца ў заяве АБСЕ.