Пасля пачатку поўнамаштабнай вайны ва Украіне замежныя вытворцы сельскагаспадарчай і будаўнічай тэхнікі адмовіліся ад супрацы з Расеяй і Беларуссю. Напрыклад, карпарацыя CNH Industrial, вядомая брэндамі Case IH і New Holland Agriculture, выпусціла афіцыйную заяву аб прыпыненні паставак на расейскі і беларускі рынкі адразу пасля пачатку вайны і прадала расейскіх дачок. Кампанія Amazone заявіла, што прыпыніць пастаўкі ў сакавіку 2022 года.
Аднак у чэрвені тэхніка гэтых вытворцаў зʼявілася на выставе «Белагра-2023». Там яе ў якасці афіцыйнага дылера прадставіла кампанія «СВ Машыны». Акрамя таго, на афіцыйным сайце фірмы ў ліпені гэтага года апублікавалі інфармацыю аб паступленні флагманскіх збожжаўборачных камбайнаў New Holland вытворчасці CNH Industrial на склад у Новым Двары.
Пастаўляе імпартную тэхніку зарэгістраваная ў Нямеччыне кампанія SV Maschinen GmbH, якая ў Расеі і Беларусі вядомая пад гандлёвай маркай «СВ Машыны». У мытных таварных накладных за 2023 год, якія вывучыў БРЦ, гаворыцца, што гэтая кампанія ўвозіла з ЕЗ у Расею тэхніку амерыкана-італьянскай CNH Industrial, нямецкай Amazone, шведскай Vaderstad AB, дацкай Samson Agro і амерыканскай Deere&Company. Апошняя таксама афіцыйна пайшла з Расеі пасля пачатку вайны.
З красавіка па канец чэрвеня 2023 года SV Maschinen GmbH паставіла ў Расею 50 тавараў на агульны кошт больш за €12,5 млн. У 2021 годзе гэтая сума была ў 20 разоў меншая і не перавысіла €630 тыс. Як атрымалася высветліць БРЦ, за нямецкай фірмай стаіць уладальнік «Амкадора», беларускі бізнесовец Аляксандр Шакуцін, пра якога мы пісалі ў нашых мінулых расследаваннях.
Як кампанія, звязаная з прадпрымальнікам з санкцыйнага спісу ЕЗ, зарабляе на імітацыі імпартазамяшчэння заходняй тэхнікі? Каб даведацца, глядзіце прэмʼеру нашага новага расследавання на ютуб-канале БРЦ 18 кастрычніка ў 18:30 па Менску і чытайце на нашым сайце ў раздзеле «Расследаванні».
Іншыя Навіны
«Аўтары будуць адпраўлены па маршруце з трох літар». Генпракуратура Абхазіі адказала на запыт БРЦ
У верасні 2022 года Аляксандр Лукашэнка наведаў Абхазію і сустрэўся з яе лідарам Асланам Бжанія.
Літва скасоўвае яшчэ адзін кантракт з Garsų pasaulis, фігурантам расследавання БРЦ аб пашпарце Новай Беларусі
Garsų pasaulis раней ужо была ўцягнутая ў карупцыйныя скандалы ў Кыргызстане, Дэмакратычнай Рэспубліцы Конга і Малдове.
