Рост трымаецца на ўнутраным попыце
«Перапрацоўчая прамысловасць. …Аптовы таваразварот. … З аднаго боку, змяншаецца вонкавы попыт, таму што гэта вонкавы гандаль. І з іншага боку, нават калі б гэты вонкавы попыт і быў нейкім мацнейшым, то адказаць, пра гэта таксама мы шмат разоў расказвалі, мы не можам праз наяўнасць унутраных абмежаванняў, як па загрузцы магутнасцяў, гэтак і па нястачы працоўнай сілы. Гэта вельмі старыя трэнды пра тое, што рост [ВУП] цалкам, дзякуючы галінам, арыентаваным на ўнутраны попыт — гэта будаўніцтва, гэта інвестыцыі — 13,6%.
Каб вы разумелі: патрэбныя тэмпы росту інвестыцый у 10 разоў больш, чым рост эканомікі, які атрымліваецца. Мы даўно такой вялікай эфектыўнасці ўнутраных інвестыцый не бачылі».
Беларусы здаюць валюту, імпарт расце
«Сальда вонкавага гандлю і таварамі, і паслугамі, пры тым, што з паслугамі там усё ў парадку, яны працягваюць расці, іх экспарт. Мінулы год, роўна гэта ж палова года — студзень-чэрвень — 6 месяцаў, быў плюс, няхай невялікі. Цяпер гэта мінус $928 млн. Так, і што асабліва добра бачна па апошніх месяцах, гэта роўна тое, пра што я казаў. Калі эканоміка расце за кошт унутранага попыту, а ваша ўнутраная прамысловасць уперлася ў структурнае абмежаванне росту, за кошт чаго будзе задавальняцца ўнутраны попыт? За кошт імпарту. Роўна гэта мы і бачым. Ён расце, прытым апошнія месяцы ўсё большымі і большымі тэмпамі.
Але што самае цікавае, што нават пры запаволенні тэмпаў спажывецкага крэдытавання, купля тавараў насельніцтвам, асабліва тавараў працяглага карыстання, паскараецца ў апошнія месяцы. Магчыма, людзі вырашылі, як кажуць: у апошні раз. І, здаецца, гэта адбываецца нават не толькі за кошт ашчаджэнняў, але і, мабыць, гэта ў тым ліку тлумачыць і апошнія трэнды на валютным рынку — продаж валют».
Пра спецыялістаў, якія сочаць за начальнікам
«12 жніўня Лукашэнка заслухаў даклад пра працу банкаўскай сістэмы. Чым быў цікавы гэты даклад? Упершыню Лукашэнка пачаў апраўдвацца за прызначэнне [Рамана] Галоўчанкі кіраўніком Нацбанку: “Тут шмат хто вые, і асабліва збеглыя, "вось, не спецыяліст, ён яго на банк прызначыў" і гэтак далей. На ўсе пытанні мы павінны адказаць".
Як жа ён адказаў на гэта пытанне? Ні за што не здагадаецеся. “Яго дзеянням (Рамана Галоўчанкі — рэд.), рашэнням і стану спраў у банкаўскай сферы рэгулярна даецца экспертная ацэнка”, — [напісана ў матэрыяле парталу pravo.by]. “Тут адмыслоўцы назіраюць і за табой таксама», — [адзначыў Аляксандр Лукашэнка].
Давайце на гэтым месцы адмыслова спынімся. … А чаму нельга было
спецыялістаў і экспертаў паставіць? Ну, па логіцы. Але не. І вось зараз, проста каб было зразумела, да якога ж абсурду даходзіць кадравая палітыка Лукашэнкі. То бок гэта нават ужо не бальшавізм. Бо пры бальшавіках было як? Былі царскія адмыслоўцы, над якім ставілі скуранога начальніка камісара з наганам, каб ён сачыў, каб той нічога контррэвалюцыйнага не зрабіў. Але гэта ж сітуацыя адваротная: калі ты ставіш скуранога начальніка з наганам, а адмыслоўца, які, у прынцыпе, павінен прыглядаць, каб гэты скураны начальнік з наганам глупстваў ніякіх не нарабіў. І не вельмі зразумела: а калі ён убачыць нешта, што ён можа сказаць гэтаму, як там раней казалі, ваен-спяцу? Чым, уласна, Галоўчанка і з'яўляецца».
Новае золата — мазгі
«У іх усё ёсць, а ў нас (у Беларусі — рэд.), кажа, няма. У нас трэба задумацца, на якія менавіта галіны зрабіць стаўку на будучыню. І вось, адпаведна, што? Новае золата — гэта мазгі. Ну, тыя самыя, уцечку якіх яны (службоўцы — рэд.) паспяхова арганізавалі, а зараз... Апынаецца ж...
І вось адзін з кірункаў — лекі і ветэрынарныя прэпараты. Самая галоўная перавага: не патрабуе значных прыродных рэсурсаў, карысных выкапняў, патрэбныя кваліфікаваныя кадры і тэхналогіі. Увогуле, для тэхналогіі яшчэ патрэбныя велізарныя грошы. Гэта, насамрэч, вельмі рызыкоўны бізнес. Ён, вядома ж, думае, што гэта не так. <...>
Раптам высветлілася ў абмеркаванні акалічнасцяў “БелВітуніфарма”. У яго ж дакладна гэтак жа паўстала ідэя: а, ковід, вакцына! Давайце мы будзем рабіць вакцыну. Вы ж умееце рабіць вакцыну? Ну, ветэрынарную. Ну, нармальна для жывёлы і будзеце рабіць, у прынцыпе. … Вось ім даручылі рабіць гэты самы “Белковідвак”. І што мы бачым? Нічога не было зроблена. …
Больш за тое, у рукі “Белых халатаў” (супольнасці медыкаў — рэд.) трапіў дакумент пра даследаванне яе эфектыўнасці. Апынулася, што яно, хутчэй за ўсё, было праведзена вельмі дрэнна і, найхутчэй, яму давяраць нельга, таму што там, хутчэй за ўсё, не было выразнага падзелу паміж кантрольнай групай і групай, якую даследуюць. Але самае галоўнае, што імунны водгук быў і ў той, і ў іншай групы прыкладна аднолькавы — да 180-га дня сыходзіў на нішто».
