У амбасадзе Ватыкана ў Беларусі не каментуюць, за якія заслугі блізкі да Віктара Лукашэнкі бізнесмен Аляксандр Зайцаў стаў першым у гісторыі Беларусі чальцом каталіцкага ордэна Святога Рыгора Вялікага.
– У нас пакуль няма для вас інфармацыі, – сказалі Беларускаму расследавальніцкаму цэнтру ў прыёмнай папскага нунцыя (амбасадара папы Рымскага ў Беларусі).
– А калі яна будзе?
– Не будзе.
Нагадаем, Беларускі расследавальніцкі цэнтр выпусціў расследаванне аб тым, як Аляксандр Зайцаў атрымаў ордэн Святога Рыгора Вялікага і вядзе свае бізнесы, адзін з якіх аформлены на дзейнага ксяндза Ігара Лашука.