Раман Пратасевіч у панядзелак, 22 траўня, паведаміў аб сваім памілаванні. Паводле яго слоў, указ Аляксандр Лукашэнка падпісаў яшчэ 16 траўня. Блогера прыгаварылі да 8 гадоў па абвінавачанні ў публічных закліках да захопу дзяржаўнай улады і да тэрактаў.
Як сведчыць аналіз БРЦ, гэта першы выпадак у найноўшай гісторыі Беларусі. У публічным доступе мы не знайшлі інфармацыі аб тым, што рэжым Лукашэнкі калі-небудзь мілаваў асуджаных па такіх артыкулах.
Пра тое, што гэта, верагодна, першы выпадак у гісторыі Беларусі БРЦ расказала адвакат Марыя Колесава-Гудзіліна. Яна таксама ўдакладніла, што гэта самае хуткае памілаванне.
«Дакладна скажу, што гэта самае хуткаснае памілаванне. Такога ніколі не было, гэта супер хутка», – сказала Колесава-Гудзіліна.
