Нашыя журналісты прысутнічалі пры спыненні руху аднаго з такіх рэйсаў сябрамі «Рабочага Руху» і іншымі беларускімі актывістамі. На месца інцыдэнту прыехала літоўская паліцыя. Паліцыянты плануюць выклікаць мытную службу.

Мы працуем над расследаваннем аб увозе беларускіх угнаенняў у ЕЗ у абыход санкцый. Пры падрыхтоўцы матэрыялу мы сутыкнуліся з цэлай сеткай маршрутаў па перавозцы падсанкцыйных угнаенняў з Беларусі ў ЕЗ.

Кіраўніку Беларускага расследавальніцкага цэнтру Станіславу Івашкевічу ўдалося паразмаўляць з кіроўцам, які прызнаў: угнаенні пагрузілі ў яго машыну на прадпрыемстве «Горадня Азот», якое знаходзіцца пад еўрапейскімі санкцыямі, а ўвоз яго прадукцыі на тэрыторыю ЕЗ забаронены.