Навіна пра сцяг так званай ДНР, які пранеслі на матч Еўра-2024, у СМІ з'явілася 17 чэрвеня 2024 года. Адным з першых яе апублікаваў тэлеграм-канал Mash.
«Тролінг "як па падручніку " ад румынскіх заўзятараў падчас матчу з Украінай на Еўра-2024. Проста цяпер іх фанацкі сектар ўпрыгожвае сцяг ДНР на стадыёне ў Мюнхене — таму што расейскі забаранілі ва УЕФА. Талісман працуе: перамагаюць 3:0», — напісалі аўтары поста ў Mash пад фота са сцягам.
Следам за расейскімі гэтая навіна стала з'яўляцца ў беларускіх тэлеграм-каналах, да якіх маюць дачыненне сілавыя структуры. «Шосты рэгіён» апублікаваў фота са сцягам і відэа, на якім румынскія заўзятары нібыта скандавалі «Пуцін».
Навіну перадрукавалі таксама інфармацыйнае агенцтва Sputnik Беларусь і тэлеканал Мір.
У афіцыйным акаўнце ў сацсетцы Х сайта Championat.com напісалі, што сцяг ДНР на фота — гэта мантаж, і апублікавалі арыгінал здымка. Гук на відэа, дзе фанаты нібыта скандуюць «Пуцін», таксама не сапраўдны, яго наклалі, высветліла ASTRA.