Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Журналісты БРЦ – лаўрэаты нацыянальнай прэміі «Вольнае слова» Беларускай асацыяцыі журналістаў за расследаванні ў 2018, 2019, 2020, 2021 і 2022 гадах. На «Вольным слове» у 2021 годзе каманда БРЦ атрымала першае месца ў катэгорыі «Аналітыка».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
Азаронак назваў Зяленскага «персанажам, арыентаваным на Брытанію». Праверылі яго аргументы
Новы прэм'ер-міністр Вялікай Брытаніі Кір Стармер 13 студзеня 2025 года ўпершыню прыехаў у Кіеў.
Прэзідэнт Украіны Уладзімір Зяленскі з першых дзён свайго прэзідэнцтва быў залежны ад Вялікай Брытаніі і перш за ўсё пасля абрання паехаў туды, распавёў Рыгор Азаронак у эфіры праграмы «Азаронак. Наўпрост». Каманда Weekly Top Fake вывучыла спіс паездак Зяленскага вясной і летам 2019-га і высветліла, дзе ён быў пасля выбараў.
Новы прэм'ер-міністр Вялікай Брытаніі Кір Стармер 13 студзеня 2025 года ўпершыню прыехаў у Кіеў. Рыгор Азаронак у эфіры стрыму «Азаронак. Наўпрост» 13 студзеня адрэагаваў на анонс візіту і распавёў пра залежнасць прэзідэнта Украіны Уладзіміра Зяленскага ад Лондану.
«Зеля таксама паехаў да Мура адразу пасля абрання. Калі Парашэнка, гэта ўсё ж такі нейкі паўбрытанскі, паўамерыканскі, паўсамастойны, паўалігархічны, але вось пры ім вайны б не было, як многія лічаць, то гэты персанаж, цалкам арыентаваны на Брытанію, на сваё эга, на свае амбіцыі. Дык вось ён тады паехаў у Брытанію», — паведаміў Азаронак.
Уладзімір Зяленскі наведаў Вялікую Брытанію восенню 2020 года. Падчас візіту ён сустрэўся з кіраўніком брытанскай выведкі МІ-6 Рычардам Мурам, абмеркаваў медыі і фэйкі. Гэта адбылося больш чым праз год пасля абрання ўкраінскага прэзідэнта.
Першы яго візіт на пасадзе быў у Брусель, для сустрэчы з прадстаўнікамі ЕЗ. Затым Зяленскі наведаў Францыю, Нямеччыну, Канаду, Турцыю, Польшчу і многія іншыя краіны. Да паездкі ў Вялікую Брытанію ён здзейсніў больш за 20 візітаў.
