Пуставой каранаваў Анатоля Чубайса

«А, можа, фінансавыя праблемы Еўропы звязаныя з новым рыцарам Анатолем Чубайсам, ён жа рыцар дэфолту? Пасяліўся недалёка ад заснавальніка Майкрасофт Пола Алена і дачкі Дэвіда Ракфелера Элін. Каралева Вялікай Брытаніі Лізавета Другая даравала яму такі тытул за неацэнныя заслугі перад брытанскай каронай. Якія? Удакладняць не сталі. Звычайна ж прынята распісваць на некалькі старонак. Сёння палітычны істэблішмент Еўропы сціплы стаў. Не тое што лідары захад ад Буга, як сказалі, так адрэзалі», – заявіў Пуставой.

Інфармацыю пра рыцара Чубайса запусціла выданне »Панарама«. Але яму такое даравальна, бо гэта сатырычнае выданне, якое спецыялізуецца на тым, што публікуе фэйкі дзеля смеху. Вось арыгінал гэтай жарты, размешчаны на сайце.

«Панарама» дзеля смеху спасылаецца на ангельскую газету The Times. Зразумела, паважаная газета нічога такога не паведамляла. Апошняя згадка прозвішчы Чубайса на яе старонках было звязана з яго звальненнем і ад'ездам з Расеі. Больш таго, ні адно расейскае СМІ не ўспрыняла гэтую жарт сурʼёзна і не напісала пра рыцара Чубайса. Вызначыўся толькі супрацоўнік беларускага тэлеканалу СТВ Яўген Пуставой.

І гэта ўсё, што вам трэба ведаць пра крыніцы інфармацыі, якімі карыстаюцца дзяржаўныя СМІ ў Беларусі. У сатырычнай «Панараме» яшчэ можна прачытаць, што Сі Цзіньпін абвясціў аб пачатку гандлю з расейскімі прадпрыемствамі за савецкія рублі. Або што за спробу купіць валюту ў Расеі з гэтага часу будуць караць пазбаўленнем волі. Так што не здзіўляйцеся, калі раптам пачуеце нешта падобнае ад Пуставога.