«СБ. Беларусь сегодня» 23 жніўня каля 20:00 распавяла, што вядома аб крушэнні бізнес-джэта Embraer у Цвярской вобласці: мінімум дзесяць чалавек загінулі, сярод пасажыраў значыўся Яўген Прыгожын. Пасля 23:00 выданне паведаміла, што на борце быў кіраўнік ПВК «Вагнер».
Адна нататка ў некалькі сказаў аб здарэнні зʼявілася 23 чысла на сайце тэлеканалу СТВ.
Больш падрабязна аб крушэнні самалёта і гібелі Прыгожына пісала агенцтва БелТА. 23-га на сайце выйшла некалькі нататак, у тым ліку пра магчымую прычыну катастрофы – парушэнне правілаў эксплуатацыі самалёта. На наступны дзень зʼявіліся яшчэ два тэксты: падрабязнасці крушэння з расейскіх СМІ і афіцыйных крыніц і матэрыял з апавяданнямі відавочцаў.
Публікацыі пра крушэнне самалёта і смерць Прыгожына ёсць і ў іншых дзяржСМІ. У іх утрымліваецца прыкладна тая ж інфармацыя, што і ў пералічаных вышэй.
Тэлеграм-канал «Жоўтыя слівы» 24 жніўня ноччу звярнуўся да СМІ і дружалюбных ПВК «Вагнэр» каналаў з просьбай «не публікаваць неправераныя дадзеныя і паведамленні адносна рады камандзіраў ПВК «Вагнэр» і лёсу Яўгена Прыгожына». Затым там выйшаў пост з вокладкамі заходніх газет і подпісам «Помста Пуціна», «Жудасная помста Пуціна», «Вораг Пуціна загінуў у авіякатастрофе»: Заходнія СМІ дружна выйшлі з адной думкай на вокладках, якая паўтараецца слова ў слова. Да 11:00 аўтары канала напісалі потст «з нагоды смерці Прыгожына і гарантый бяспекі, якія даў Аляксандр Лукашэнка»:
«…Беларускія гарантыі абʼектыўна могуць распаўсюджвацца толькі на тэрыторыю нашай краіны. Усе «вагнэраўцы», у розны час дыслакаваныя ў Беларусі, уключаючы Прыгожына і Уткіна, знаходзіліся ў поўнай бяспецы.
Па-трэцяе, уся дзейнасць Прыгожына за межамі Беларусі знаходзілася па-за полем зроку і сферы адказнасці беларускай дзяржавы. Ніякіх агульных праектаў, акрамя сумесных вучэбна – баявых мерапрыемстваў з падраздзяленнямі беларускай арміі і унутраных войск, у афіцыйнага Менску і ПВК «Вагнжр» не было», – напісана ў пасце.
Гэты ж тэкст зʼявіўся ў каналах прапагандыста Рыгора Азаронка і праўладнага палітычнага аналітыка Аляксандра Шпакоўскага.
У канале «Беларускі сілавік» зрабілі каля дзясятка пастоў аб Прыгожыне і тым, што здарылася. Сярод іншага мы знайшлі паведамленне ад, як піша аўтар канала, «яго таварыша, земляка і аднаго са старых супрацоўнікаў кампаніі» з пазыўным «Брэст» (арфаграфія і пунктуацыя аўтара захаваны):
«Напэўна, той хто гэта зрабіў думае што перамог, але гэта не так. Калі гэта зроблена вонкавым ворагам, што малаверагодна, тое толькі набліжае яго паразу. Калі ж гэта нож у спіну... то айчына перажыве, і не такое яшчэ было і будзе... але лёс твой, як любога «Юды» незайздросны і пакуль пішацца гісторыя, ганебная здрада будзе кляймом роду твайго».
Што вядома пра найміта ПВК «Вагнэр» з пазыўным «Брэст» мы расказвалі ў чэрвені.
Каб даведацца больш аб дзейнасці расейскіх наймітаў, чытайце матэрыялы аналітычнай рубрыкі БРЦ:
Іншыя Навіны
«Ён яшчэ доўга будзе знаходзіцца ў закладніках». Журналісту Сяргею Сацуку споўнілася 56 галоў — у калоніі
Апошняе расследаванне Сацука было прысвечана карупцыі ў Міністэрстве аховы здароўя.
«Развіццё беларускай музыкі ў выхадзе з беларускага гета». Папа Бо ў гасцях у Чалага
Сяргей Чалы пагаварыў з дыджэем і рэжысёрам пра музыку пратэсту, песню пра Саню і спадчыну заводу «Гарызонт».
