Звязаны з сілавікамі тэлеграм-канал ГУБАЗ (@gubop_centr_e) 31 студзеня апублікаваў відэа з прабачэннямі мужчыны, у віну якому, сярод іншага, паставілі адпраўку лістоў палітвязням. Аўтары канала не ўдакладнілі, чаму адпраўка карэспандэнцыі зняволеным зʼяўляецца незаконнай. Пры гэтым затрыманага назвалі «чарговым актывістам прыватных дваровых чатаў».
У той жа дзень у канале зʼявілася відэа з арганізатарам інтэлектуальна-забаўляльных гульняў «Футбольныя войны». Затрыманы «раскаяўся» у тым, што па выніку спаборніцтваў уручаў кубкі і медалі з гербам «Пагоня».
У пачатку красавіка тэлеграм-канал «Бліжэй да зорак. Гомель» (@gomelZV) апублікаваў відэа з затрыманнем мужчыны, на аўтамабілі якога была налепка з партрэтам Віктара Цоя і словамі: «Пераменаў патрабуюць нашыя сэрцы». У выніку, як сцвярджае канал, мужчыну за «распаўсюджванне экстрэмісцкіх матэрыялаў» адправілі ў ІЧУ на 15 сутак.
Праз шэсць дзён у канале «Кніга ГУ База» зʼявілася яшчэ адно відэа. Па дадзеных канала, сілавікі затрымалі тату-майстра, які рабіў «экстрэмісцкія тату», напрыклад з фразай «Рускі ваенны карабель, ідзі на ***». Затрыманы на камеру парэкамендаваў сваім кліентам пазбавіцца гэтых татуіровак, але ўжо без яго дапамогі, бо цяпер ён «будзе знаходзіцца ў месцах, дзе яго навыкі могуць яму спатрэбіцца».
У канцы красавіка ў тэлеграм-канале ГУБАЗ зʼявілася відэа з затрыманым беларускім гітарыстам. Як распавёў на камеру сам мужчына, ён напісаў песню «Стоп прус» і адправіў яе ў некалькі «дэструктыўных» тэлеграм-каналаў. У зробленым ён «раскаяўся».
Іншыя Навіны
Навіны
«Ён яшчэ доўга будзе знаходзіцца ў закладніках». Журналісту Сяргею Сацуку споўнілася 56 галоў — у калоніі
Апошняе расследаванне Сацука было прысвечана карупцыі ў Міністэрстве аховы здароўя.
Навіны
«Развіццё беларускай музыкі ў выхадзе з беларускага гета». Папа Бо ў гасцях у Чалага
Сяргей Чалы пагаварыў з дыджэем і рэжысёрам пра музыку пратэсту, песню пра Саню і спадчыну заводу «Гарызонт».
Навіны
БРЦ далучаецца да кампаніі за свабоду прэсы ў Кыргызстане
Кыргызскія журналісты падкрэсліваюць, што праблема абмежавання свабоды слова актуальная для ўсіх рэдакцый навін і медыйных арганізацый у краіне.