Навошта ААЭ сябраваць з Лукашэнкам?

Факты, каментары

25 студзеня

Навошта ААЭ сябраваць з Лукашэнкам?

25 студзеня Лукашэнка вылецеў з візітам у ААЭ і Зімбабвэ. З-за міжнародных санкцый і ізаляцыі застаецца ўсё менш краін, куды можа прыляцець з візітам Лукашэнкі. Але навошта такія сустрэчы ўраду ААЭ?

25 студзеня Лукашэнка вылецеў з візітам у ААЭ і Зімбабвэ. З-за міжнародных санкцый і ізаляцыі застаецца ўсё менш краін, куды можа прыляцець з візітам Лукашэнкі. Але навошта такія сустрэчы ўраду ААЭ?

«На працягу апошняга дзесяцігоддзя, арабскія краіны, і перш за ўсё Саудаўская Аравія і ААЭ, прыкладаюць немалыя намаганні, каб падкрэсліць сваю незалежнасць ад ЗША. Гэтая мэта дасягаецца шляхам умацавання адносін з іншымі супердзяржавамі. Яшчэ да вайны гэтыя краіны дыверсіфікавалі пастаўшчыкоў зброі, у прыватнасці ААЭ пачалі купляць зброю і ў Расеі, а таксама ўзялі курс на збліжэнне з Кітаем. З моманту ўмяшання Масквы ў вайну ў Сірыю ў 2015 годзе многія арабскія краіны зрабілі адпаведныя высновы: Расея становіцца больш актыўнай на Блізкім Усходзе, а Вашынгтон наадварот зніжае абʼём сваёй дзейнасці і ўцягнутасці. Таму ў арабскіх сталіцах падкрэслена цяпло прымаюць расейскіх і кітайскіх лідараў, не забываючы асудзіць жахі вайны і аказваючы гуманітарную дапамогу Украіне », – так лічыць усходазнаўца, эксперт па Блізкім Усходзе і ісламу Ксенія Святлова.

19 студзеня Еўрапарламент прагаласаваў за прыняцце рэзалюцыі, якая заклікае да стварэння спецыяльнага міжнароднага трыбунала для пераследу злачынства агрэсіі Расеі супраць Украіны. Згодна з дакументам, да адказнасці неабходна прыцягнуць, у прыватнасці, Пуціна і Лукашэнку. Мы спыталі ў эксперта: ці могуць, у тэорыі, краіны Аравійскага паўвострава, даць палітычны прытулак тым, каго могуць абʼявіць у міжнародны вышук?

«На працягу гісторыі многія замежныя лідары атрымалі прытулак у краінах Аравійскага паўвострава. У 2011 годзе прэзідэнт Тунісу збег у Саудаўскую Аравію (і памёр знаходзячыся ў гэтай краіне праз некалькі гадоў). Афганскі прэзідэнт Ашраф Гані збег у ААЭ два гады таму», – падсумавала Ксенія Святлова.

Іншыя Навіны