Жыхарам Вялікай Брытаніі пасля выплаты падаткаў і камуналкі застаецца на жыццё меншая сума, чым маюць беларусы

Жыхарам Вялікай Брытаніі пасля выплаты падаткаў і камуналкі застаецца на жыццё меншая сума, чым маюць беларусы. Такія падлікі зрабіў кіраўнік тэлеканалу ОНТ Марат Маркаў у перадачы «Клуб рэдактараў» на тэлеканале Беларусь-1:

«Хутка 700 долараў будзе сярэдні заробак пры мінімальных плацяжах за сваю хатнюю гаспадарку. Мы ж лічылі з вамі ў гэтай жа студыі, што пры 2,000 сярэдняга заробку ў Вялікай Брытаніі (2,000 фунтаў) у іх на руках пасля выплат усіх, не кажучы ўжо пра камуналку зімой, тады мы яе не лічылі, застаецца менш, чым у сярэдняга беларуса. Застаецца пасля выплаты ўсіх падаткаў і гэтак далей, і камунальных паслуг».

Па-першае: сярэдні заробак у Вялікай Брытаніі не 2,000 фунтаў у месяц, а 2,750. Пасля вылікаў падаткаў – 2,180.

Па-другое: плата за газ і святло складае амаль такую ж лічбу – 2,500 фунтаў, але толькі не ў месяц, а ў год. Урад гарантаваў брытанцам, што для сярэдняй гаспадаркі цана не падымецца вышэй за гэтую суму. Разам: на руках застаецца каля 2,000 фунтаў ці каля 2,500 долараў.

Глядзім зараз на Беларусь: сярэдні заробак, паводле звестак Белстату, зараз складае 650 долараў. Менавіта пра іх гаворыць Іван Эйсмант. Але гэта заробак брута (да выліку падаткаў). Яшчэ мінус камуналка – і ў сярэднестатыстычнага беларуса застаецца на руках каля 500 долараў.

Абярыце тэгі

Абярыце даты выкрыцця фэйкаў
Тып
Тэрыторыя
Крыніца
Асобы
Тэмы

Беларусь запусціла першы спадарожнік у 2012 годзе

Расказваючы, як Беларусь трапіла ў закрыты клуб касмічных дзяржаў, вядучая тэлеканала ОНТ Марына Караман заявіла, што Беларусь запусціла свой першы спадарожнік у 2012 годзе.

«У 2003 стварылі праект першага брусскага спадарожніка. Аляксандр Лукашэнка заўсёды падтрымлівае перспектыўныя ідэі беларусаў. Таму ў 2007 годзе прэзідэнт падпісаў указ аб запуску айчыннай касмічнай праграмы. І пачаўся першы этап касмічнага жыцця нашай краіны. Ён працягнуўся з 2008 да 2012 года. У гэты перыяд нашы навукоўцы распрацоўвалі абсталяванне і начынне для яго».

Па версіі Марыі Караман атрымліваецца, што Беларусь ажно 9 гадоў рыхтавалася, каб запусціць свой першы спадарожнік: з 2003 па 2012 год. Пры гэтым няма ні слова пра тое, што насамрэч першы запуск беларускага спадарожніка БелКА (скарочанае ад Беларускі касмічны апарат) адбыўся яшчэ ў 2006 годзе.

Аднак тая спроба аказалася няўдалай — спадарожнік да космасу так і не даляцеў. Па афіцыйнай інфармацыі, гэта адбылося з-за аварыі ракеты-носьбіта «Дняпро».

Паказальна, што тады, у 2006 годзе, беларускае тэлебачанне паспяшалася паведаміць, што спадарожнік запушчаны і космас пакораны. Цяпер жа АНТ вырашыла зноў перапісаць касмічную гісторыю нашай краіны і замоўкнуць нязручныя факты аб тым, як яна насамрэч развівалася.

Абярыце тэгі

Абярыце даты выкрыцця фэйкаў
Тып
Тэрыторыя
Крыніца
Асобы
Тэмы

Баявыя ўзнагароды Украіны — нацысцкія 

Баявыя ўзнагароды Украіны практычна адзін у адзін капіююць нацысцкія. Пра гэта ў перадачы «Клуб Рэдактараў» на «Беларусь-1» паведаміў кіраўнік тэлеканала Іван Эйсмант. 

«Ваеннаслужачым 52 брыгады ВСУ ўручылі ўзнагароды на гэтым тыдні. Называюцца "Сталёвыя крыжы". Нічога вам не нагадваюць? Давайце паглядзім, ёсць у нас фатаграфія. Справа, дарэчы, нацысцкі крыж, а злева украінскі. Не моцна адрозніваюцца».

Гэта не праўда. Па-першае, вайскоўцам не 52 брыгады ВСУ, а 92-й. Па-другое, украінская баявая ўзнагарода «Сталёвы крыж» насамрэч выглядае так. А тое, што паказалі, гэта не дзяржаўная, а грамадская ўзнагарода. Яна называецца — знак народнай пашаны «Сталёвы крыж непераможных».

Але і ён куды менш падобны на нацысцкі, чым, напрыклад, многія расійскія ўзнагароды — Георгіеўскі крыж ДНР, Ордэн Святога Георгія Расійскай Федэрацыі, ордэн Аляксандра Неўскага, ордэн Мужнасці і інш.

Тэму нацысцкіх крыжоў падхапіў галоўны рэдактар галоўнай дзяржаўнай газеты «СБ Беларусь Сегодня» Дзмітрый Жук.

«Вы ведаеце, пасля таго, як Алексіевіч уручылі рэальны «Жалезны крыж», нічога дзіўнага».

У рэчаіснасці, узнагарода нацыстаў часоў Другой сусветнай вайны «Жалезны крыж» нікому не ўручалася з 1945 года. У ГДР яна і зусім была забаронена. А лаўрэату Нобелеўскай прэміі па літаратуры Святлане Алексіевіч уручылі ордэн «За заслугі перад Федэратыўнай Рэспублікай Германія». Так, ён мае форму крыжа. Але, як мы пераканаліся вышэй, многія ўзнагароды ў свеце маюць такую форму.

Аднак у Івана Эйсманта знайшліся яшчэ прыклады:

«Дарэчы, пастаўляюць якую тэхніку на Украіну. Калі там ёсць ветэраны Вялікай айчыннай вайны, яны гэта бачаць, не пазайздросціш. Глядзіце, з якімі малюнкамі ездзяць. Ці ёсць на гэтым відэа. Гэта Брэсцкая крэпасць. Чысты Вермахт. Чысты Вермахт».

Насамрэч гэта чысты Бундэсвер, гэта значыць узброеныя сілы Нямеччыны. І з моманту іх стварэння, гэта значыць з 1955 года, іх сімвалам з'яўляецца жалезны крыж. Адпаведна, на сваю ваенную тэхніку яны наносяць апазнавальны знак у выглядзе чорнага крыжа з белымі палосамі. Ён адрозніваецца ад таго крыжа, які выкарыстоўвалі нацысты. У час вайны крыж быў роўны. А сучасны — пашыраецца да бакоў. І калі Бундэсвер аддае Украіне сваю тэхніку, то цалкам натуральна, што яна паступае з нямецкім апазнавальным знакам.

Дарэчы, у розных варыяцыях ён існаваў яшчэ да вайны, яму ўжо больш за 200 год.

Абярыце тэгі

Абярыце даты выкрыцця фэйкаў
Тып
Тэрыторыя
Крыніца
Асобы
Тэмы

Еўропа паставіла крыж на сямейных каштоўнасцях

Беларусь — захавальніца сямейных каштоўнасцяў, а ў Еўропе на іх паставілі крыж. Гэты папулярны наратыў дзяржСМІ чарговы раз прагучаў у выніковай праграме тыдня на «Беларусь-1». 

«Сямейныя каштоўнасці — гэта тое, на чым Еўропа даўно паставіла крыж. А такіх перспектыў для сваіх дачок бацькі не хацелі». 

Мы вырашылі праверыць, ці праўда тое, што беларусы і расейцы неяк асабліва трапятліва ставяцца да стварэння сям'і. І для гэтага параўналі дадзеныя па колькасці шлюбаў і разводаў за адзін і той жа перыяд. 

Колькасць шлюбаў у ЕС на 1000 жыхароў у 2019 годзе можна ўбачыць на гэтай мапе. У Беларусі ў тым жа годзе — 6,7 шлюбаў. У Расіі — 6,5. Па кмапе бачна, што амаль столькі ж у Літве, Латвіі, Румыніі і Венгрыі. У астатніх краінах менш. Гэта значыць уступаць у шлюб еўрапейцы, падобна, не вельмі спяшаюцца.

Цяпер звернем увагу на паказчык разводаў за той жа 2019 год: у Беларусі ён складае 3,7 на 1000 чалавек, у Расіі — 4. А ва ўсіх краінах ЕС ён значна ніжэйшы.

Выходзіць, што ў «загніваючай Еўропе» шлюбаў крыху менш, але яны нашмат мацней.

А зараз паглядзім — можа ў Беларусі і Расіі дзяцей нараджаецца больш?!

У нас у краіне ўсё ў тым жа 2019 годзе прыпадала 9,3 нараджэнняў на 1000 чалавек насельніцтва, у Расіі — 10,1. А вось дадзеныя па Еўразвязе. У сярэднім па ўсіх краінах ЕС нараджальнасць сапраўды такая ж. Ну а калі глядзець асобна па краінах, то ў некаторых дзяржавах заходняй і цэнтральнай Еўропы нараджальнасць нават вышэйшая, чым у нас.

Выглядае, што сіла сямейных каштоўнасцяў у Расіі і Беларусі моцна перабольшана.

Абярыце тэгі

Абярыце даты выкрыцця фэйкаў
Тып
Тэрыторыя
Крыніца
Тэмы

Адна з прычын нападу Расіі на Украіну — вялікія запасы нафты

Ва Украіне разведаны вялікія запасы нафты, што з'яўляецца адной з прычын, чаму Расія на яе напала. Гэта сцвярджае Джордан Пітэрсан, канадскі псіхолаг і лідэр меркаванняў, відэа якога на ютубе збіраюць мільённыя прагляды.

«Справа таксама ў тым, што Украіна валодае велізарнымі і адносна нядаўна адкрытымі (каля 2010 г.) уласнымі нафтавымі рэсурсамі, асабліва вакол Каспійскага мора і на паўночным усходзе, напрыклад, дастаткова прыроднага газу, каб яна магла стаць асноўным пастаўшчыком гэтага рэсурсу ў Еўропу і тым самым стварыць пагрозу залежнасці Еўропы ад расейскіх рэсурсаў» 

Украіна напэўна ўзрадавалася б такой навіны, калі б гэта было праўдай. Аднак, Каспійскае мора ад Украіны аддзяляе тэрыторыя Расіі, і нават ад Луганска да мора адлегласць каля 600 км.

Што да запасаў нафты, то магчыма, яны і вялізныя, толькі тады пра гэта пакуль ніхто не ведае. Па запасах нафты Украіна на 49 месцы ў свеце. Даказанымі лічацца 400 млн барэляў нафты. Для параўнання, Беларусь са сваімі нафтазалежамі толькі на пяць радкоў ніжэй. Па падліках Украіны гэтыя запасы разы ў паўтара большыя. Разведаны яны былі яшчэ ў савецкія часы і ў апошнія гады такіх работ не праводзілася.

А вось прыроднага газу па мерцы Еўропы ва Украіне сапраўды нямала: са сваім трыльёнам кубаметраў газу яна другая пасля Нарвегіі. Толькі вось лёгкавымаемыя запасы газу ўжо амаль знясіленыя, і зараз, каб здабыць новыя, патрэбны значныя інвестыцыі. У Расіі запасаў газу ў 37 разоў больш, таму Украіна для яе слабы канкурэнт.

Абярыце тэгі

Абярыце даты выкрыцця фэйкаў
Тып
Тэрыторыя
Асобы
Тэмы

Іншыя Антыфэйкі / фактчэкі