Фэйкі тыдня: Кіраўнік ОНТ не можа знайсці ў Аўстрыі прамысловасць. Давайце яму дапаможам

Новае

Фэйкі тыдня: Кіраўнік ОНТ не можа знайсці ў Аўстрыі прамысловасць. Давайце яму дапаможам

Беларусь прымушалі адмовіцца ад уласнай прамысловай вытворчасці, каб яна была залежнай, як іншыя краіны Еўропы. Але мы выдужалі, пабудавалі АЭС, паляцелі ў космас і вось-вось выпусцім вакцыны. І пераплюнулі ў гэтым нават Аўстрыю! Гэта была кароткая гісторыя развіцця беларускай прамысловасці ў пераказванні кіраўніка ОНТ Марата Маркава. Вось, што ён сказаў:

«Мы ў прынцыпе сёння можам ганарыцца гэтымі рэчамі. Для краіны з насельніцтвам 10 млн. чалавек… Ну давайце, Аўстрыя, аналагічная краіна. І давайце проста назавем, хто з вас ведае аналагічныя вытворчасці ў Аўстрыі. Хто з вас назаве гэтыя вось рэчы?»

Для даведкі Аўстрыя вырабляе ўзбраенне, мае свае спадарожнікі ў космасе і нават пабудавала АЭС. ВУП на душу насельніцтва па парытэту пакупніцкай здольнасці прыкладна ў 3 разы вышэй, чым у Беларусі.

У Аўстрыі на прамысловасць прыпадае 26% ад ВУП. У Беларусі – 32%. Але, калі зірнуць на рэйтынг канкурэнтаздольнасці прамысловасці, то Аўстрыя ў гэтым рэйтынгу знаходзіцца на 14-м месцы, а Беларусь – толькі на 46-м.