Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Журналісты БРЦ – лаўрэаты нацыянальнай прэміі «Вольнае слова» Беларускай асацыяцыі журналістаў за расследаванні ў 2018, 2019, 2020, 2021 і 2022 гадах. На «Вольным слове» у 2021 годзе каманда БРЦ атрымала першае месца ў катэгорыі «Аналітыка».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
Журналіст Мукавозчык пахваліў Беларусь за інфляцыю, якой няма ў Еўропе. Каманда WTF высветліла, у чым ён мае рацыю
Самая высокая інфляцыя была ў Румыніі і Бельгіі — 5,3% і 5,4% адпаведна.
Жыццё ў краіне пасля 2020 года становіцца ўсё лепшым, а такой інфляцыі, як у Беларусі, няма ў Еўропе, заявіў аглядальнік «СБ. Беларусь сёння» Андрэй Мукавозчык. Каманда Weekly Top Fake праверыла яго словы — у чымсьці ён мае рацыю.
Журналіст Андрэй Мукавозчык 15 жніўня 2024 года ў праграме «Накіпела» на СТБ, разважаючы пра стан беларускай эканомікі, адзначыў, «што яна ў нас расце».
«Насамрэч, што ні вазьмі. І інфляцыя ў нас нізкая. З пачатку года 3,4%. А калі год да года браць, то будзе 5,8%. Дзе такую ў Еўропе ўзяць?» — спытаў у гледачоў аглядальнік «СБ. Беларусь сёння».
Адказ на яго пытанне знайшла каманда WTF: такой інфляцыі, як у Беларусі, сапраўды нідзе ў Еўропе няма — яна там ніжэйшая.
У чэрвені 2024 года, паводле звестак Белстата, гадавая інфляцыя ў Беларусі дасягнула 5,8%. З усіх краін ЕЗ, па статыстыцы Еўрастата за гэты ж перыяд, самая высокая інфляцыя была ў Румыніі і Бельгіі — 5,3% і 5,4% адпаведна. А ў сярэднім па краінах Еўразвязу паказнік складае 2,6%.
