Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Нашыя журналісты атрымалі прэмію Ганса Штайгэра за журналісцкія расследаванні ад Міжнароднага цэнтру журналістаў (ICFJ), прэмію за свабодныя СМІ (Free Media Award) ад фондаў ZEIT-Stiftung Bucerius і Fritt Ord, а таксама прэмію за дасягненні ў журналістыцы дадзеных (Data Journalism Award) ад Грамадства садзейнічання развіццю працоўнай дзейнасці журналістаў і рэдакцыі (SABEW). Наш праект Dubai Unlocked увайшоў «у шорт-ліст» Sigma Awards.
З 2018 па 2026 год нашыя журналісты таксама атрымалі 11 узнагародаў беларускай нацыянальнай прэміі «Вольнае слова».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
Хто напісаў «лухту»? «ЖС Premium» высмеяў словы Ціханоўскай пра тысячы беларусаў у Чыкага
Больш за ўсё беларусаў жыве ў Нью-Ёрку — каля 20 тысяч.
Святлана Ціханоўская пасля паездкі ў ЗША распавяла пра тысячы беларусаў, якія жывуць у Чыкага. Аўтары «ЖС Premium» высмеялі яе словы. Каманда Weekly Top Fake высветліла, хто напісаў «такую лухту».
У канцы верасня 2024 года Святлана Ціханоўская сустрэлася з прадстаўнікамі беларускай дыяспары ў ЗША. Пра гэта яна распавяла ў сацсетцы Х, напісаўшы, што ў Чыкага пражываюць тысячы беларусаў. На відэа да посту бачныя некалькі дзясяткаў удзельнікаў сустрэчы.
Аўтары тэлеграм-каналу «ЖС Premium» апублікавалі скрыншот поста Ціханоўскай і назвалі яе словы лухтой.
«"Тысячы беларусаў Чыкага" на лініі. Усе гэтыя тысяч вы зараз бачыце на сваіх экранах. Ужо зусім дрэнна ў збеглых з парадачкам, калі даводзіцца пісаць такую лухту», — заявілі аўтары тэлеграм-каналу.
Паводле ацэнкі амерыканскага Інстытуту міграцыйнай палітыкі (Migration Policy Institute), у ЗША ў 2022 годзе пражывалі крыху больш за 70 тысяч беларусаў. Такая колькасць параўнальная з насельніцтвам Жлобіна. Шэсць тысяч з іх — у агламерацыі Чыкага.
Больш за ўсё беларусаў жыве ў Нью-Ёрку — каля 20 тысяч. На трэцім месцы Філадэльфія — прыкладна тры тысячы.
