«Украінкі хлусяць пра тое, што іх гвалтавалі расейскія салдаты» – Вольга Скабеева

Новае

Фэйкі тыдня: «Украінкі хлусяць пра тое, што іх гвалтавалі расейскія салдаты» – Вольга Скабеева

Дакладна вядома, што ніхто нікога не гвалтаваў. Заявіла прапагандыстка Вольга Скабеева ў эфіры праграмы «60 хвілін»:

«Дакладна вядома, што ніхто нікога не гвалтаваў. Ва ўсякім разе ніводнага імя, ніводнага прозвішча, ні месца дзеяння, ні часу згвалтавання ніводны чалавек, які абвінавачвае расейскіх салдат у гэтым дагэтуль не назваў. Выглядае падазрона».

Украінская пракуратура ўжо накіравала першую справу аб згвалтаванні ў суд і абвясціла імя абвінавачанага, а таксама яго месца службы ў расейскім войску. Міхаіл Раманаў служыць у 239-м палку 90-й гвардзейскай танкавай Віцебска-Наўгародскай дывізіі ВС РФ. Абвінавачваецца ў згвалтаванні ў вёсцы Шаўчэнкава Браварскага раёну ў сакавіку 2022 года. Жанчына даведалася яго па фота ў сацыяльных сетках. Акрамя таго, украінская пракуратура назвала імёны яшчэ некалькіх меркаваных гвалтаўнікоў, што поўнасцю супярэчыць заяве Вольгі Скабеевай.