Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Журналісты БРЦ – лаўрэаты нацыянальнай прэміі «Вольнае слова» Беларускай асацыяцыі журналістаў за расследаванні ў 2018, 2019, 2020, 2021 і 2022 гадах. На «Вольным слове» у 2021 годзе каманда БРЦ атрымала першае месца ў катэгорыі «Аналітыка».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
«ЖС Premium»: ЗША вінавацяць Расею ў стварэнні ўрагану. Мы знайшлі толькі пагрозы Жырыноўскага затапіць амерыканцаў
Пошукі падобнай інфармацыі праз Google таксама нічога не паказалі — ніводнай падобнай публікацыі ў медыях ЗША.
Кандыдат у віцэ-прэзідэнты ЗША ад Дэмакратычнай партыі Цім Уолц (Tim Walz) абвінаваціў расейскіх навукоўцаў у стварэнні ўрагану, напісалі аўтары тэлеграм-каналу «ЖС Premium». Каманда Weekly Top Fake не знайшла пацверджання гэтаму, затое выявіла пагрозы расейскага палітыка затапіць ЗША.
Навіна быццам бы са скрыншотам посту губернатара штата Мінесота і кандыдата ў віцэ-прэзідэнты ЗША ад Дэмакратычнай партыі Ціма Уолца* з'явілася ў тэлеграм-канале «ЖС Premium» 13 кастрычніка 2024 года.
«"Мілтан" быў штучна створаны расейскімі навукоўцамі. Ім нейкім чынам удалося змяніць гравітацыйнае поле Зямлі, выкарыстоўваючы вядомыя ім перадавыя тэхналогіі".
Ну ўсё, хавайцеся у кукурузу. Цім Уолтц, амерыканскі палітык, які прадстаўляе дэмакратычную партыюа яшчэ — патэнцыйны віцэ-прэзідэнт ЗША, калі пераможа Харыс, на сур'ёзных шчах уцірае ўсім, што нядаўні суперураган, які паламаў ЗША частку краіны — гэта кліматычная зброя Расеі», — сказана ў подпісе да скрыншота (аўтарскія арфаграфія і пунктуацыя захаваныя).
Каманда WTF спраўдзіла старонку амерыканскага палітыка ў сацсетцы Х і не знайшла такога поста. Пошукі падобнай інфармацыі праз Google таксама нічога не паказалі — ніводнай падобнай публікацыі ў медыях ЗША.
Затое ў кантэксце кліматычнай зброі Расеі і ЗША мы знайшлі іншыя публікацыі — у расейскіх СМІ. Паводкамі ў 2003 годзе палохаў расейскі дэпутат Уладзімір Жырыноўскі, які ў 2022 годзе памёр ад каронавіруса. Ён звяртаўся да тагачаснага прэзідэнта ЗША Джорджа Буша:
«Уначы нашы навукоўцы ледзь-ледзь зменяць гравітацыйнае поле Зямлі і твая краіна будзе пад вадой! 24 гадзіны, ***, і ўся краіна твая будзе пад вадой!».
Расейскія медыі цяпер называюць яго словы прароцкімі.
* У медыях сустракаюцца розныя варыянты напісання: Цім Уолц, Цім Уолз, Цім Уолтц.
