Як уладальнік «Амкадора» Аляксандр Шакуцін зарабляе насуперак і дзякуючы санкцыям

Як запчасткі, вырабленыя заходнімі кампаніямі трапляюць у цэхі «Амкадора».

Як зарабляць на эмбарга ў дачыненні да Расеі, знаходзячыся пад персанальнымі санкцыямі? Як зарабляць, выкарыстоўваючы нежаданне заходніх вытворцаў губляць прыбыткі? Як зарабляць, мяняючы схему ўласнасці, але пакідаючы бізнес у сямʼі? У новым расследаванні БРЦ раскажа, як зарабляе «гаманец» і блізкі сябар Лукашэнкі, уладальнік «Амкадора» Аляксандр Шакуцін – насуперак і дзякуючы абмежаванням, уведзеным супраць Расеі, і сыходу з рынку краіны ключавых гульцоў.

Пасля пачатку поўнамаштабнага ўварвання ва Украіну, Еўразвяз і ЗША ўвялі абмежаванні на пастаўку ў Расею тэхнікі і запчастак для яе. Заходнія гульцы сышлі з рынку. Гэтым скарыстаўся Аляксандр Шакуцін, старшыня рады дырэктараў ААТ «"Амкадор" – кіроўная кампанія холдынгу».

«Амкадор» вырабляе будаўнічыя, лесанарыхтоўчыя, камунальныя і сельскагаспадарчыя машыны. Расследавальнікі БРЦ высветлілі, што, выкарыстоўваючы праграму імпартазамяшчэння, кампанія пастаўляе на расейскі рынак тэхніку, для вытворчасці якой ужываюць імпартныя дэталі. На сайце холдынгу напісана, што гэта кампаненты з Еўропы, Амерыкі і Японіі, у тым ліку якія трапілі пад санкцыі.

Сам Шакуцін таксама знаходзіцца пад санкцыямі Еўразвязу. Ён падтрымаў Лукашэнку на выбарах 2020 года і прыняў удзел у яго таемнай інаўгурацыі. Яны разам збіралі бульбу, лёталі ў камандзіроўкі і вясельнае падарожжа бізнесмена, наведвалі цешчу нязменнага кіраўніка Беларусі.

У першай частцы новага расследавання БРЦ раскажа, як беларускае прадпрыемства пастаўляе ў Расею тэхніку з забароненымі дэталямі, выдаючы канчатковы прадукт за беларускі або саюзны, а таксама як запчасткі, вырабленыя заходнімі кампаніямі, трапляюць у цэхі «Амкадора».

Таксама мы прадставім меркаванне Аляксандра Шакуціна – ён даў БРЦ каментар. Свае пытанні мы задалі і заходнім вытворцам, чые камплектуючыя выкарыстоўваюцца ў прадукцыі тэхнікі «Амкадор».

Глядзіце прэмʼеру расследавання на ютуб-канале БРЦ 8 верасня ў 17:30 па Менску і чытайце на нашым сайце ў раздзеле «Расследаванні».

Іншыя Навіны

«Амкадор» пад выглядам імпартазамяшчэння збірае ў Расеі тэхніку з санкцыйнымі фінскімі камплектуючымі

Факты, каментары

«Амкадор» пад выглядам імпартазамяшчэння збірае ў Расеі тэхніку з санкцыйнымі фінскімі камплектуючымі

На наш запыт з просьбай пракаментаваць наяўнасць на тэхніцы «Амкадор» у Расеі забароненых дэталяў вытворчасці Kesla афіцыйнае прадстаўніцтва кампаніі паведаміла,...

13/09 Чытаць
«Шматлікія пасланні з днём нараджэння». БРЦ палічыў віншаванні Лукашэнку ў 2023-м і параўнаў іх колькасць з папярэднімі гадамі

Факты, каментары

«Шматлікія пасланні з днём нараджэння». БРЦ палічыў віншаванні Лукашэнку ў 2023-м і параўнаў іх колькасць з папярэднімі гадамі

Згодна з афіцыйнай біяграфіяй, Лукашэнка нарадзіўся 30 жніўня 1954 года. Аднак каля 10 гадоў таму ён пачаў называць сваёй датай нараджэння 31 жніўня.

31/08 Чытаць