Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Нашыя журналісты атрымалі прэмію Ганса Штайгэра за журналісцкія расследаванні ад Міжнароднага цэнтру журналістаў (ICFJ), прэмію за свабодныя СМІ (Free Media Award) ад фондаў ZEIT-Stiftung Bucerius і Fritt Ord, а таксама прэмію за дасягненні ў журналістыцы дадзеных (Data Journalism Award) ад Грамадства садзейнічання развіццю працоўнай дзейнасці журналістаў і рэдакцыі (SABEW). Наш праект Dubai Unlocked увайшоў «у шорт-ліст» Sigma Awards.
З 2018 па 2026 год нашыя журналісты таксама атрымалі 11 узнагародаў беларускай нацыянальнай прэміі «Вольнае слова».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
Ален Дэлон завяшчаў маёмасць сабаку? Высветлілі, хто насамрэч атрымаў спадчыну кінаактора
88-гадовы Ален Дэлон пайшоў з жыцця 18 жніўня 2024 года.
Французскі кінаактор Ален Дэлон завяшчаў сваю маёмасць сабаку, распавёў у інтэрв'ю БелТА гісторык Мікалай Платошкін. Гэты ўчынак Дэлона ён патлумачыў злосцю і безвыходнасцю. Каманда Weekly Top Fake праверыла, каму ж дасталася спадчына кінаактора.
88-гадовы Ален Дэлон пайшоў з жыцця 18 жніўня 2024 года. Пра завяшчанне кінаактора разважаў расейскі гісторык Мікалай Платошкін у інтэрв'ю БелТА 26 жніўня 2024 года.
«Ён жа шмат маёмасці сабаку завяшчаў. І не таму што ён дзіваваў там. Мабыць, проста вырашыў, што больш годных няма. І гэта Дэлон. А колькі людзей, якія не ўпісаліся там ні ў што. Як у той жа Швецыі. На дапамогу яны там жывуць, але гэта, хутчэй, жыццё як у заапарку», — распавёў гісторык.
Са словаяў родных, якіх цытаваў тэлеканал CNEWS, а таксама газеты Le Figaro і Libération, Ален Дэлон завяшчаў спадчыну траім дзецям. Палову — дачцэ, дваім сынам — па чвэрці. Сабакі ў гэтым спісе няма.
З жывёлай была звязаная іншая гісторыя. Дэлон прасіў, каб яе ўсыпілі і пахавалі разам з ім. Але родныя актора не сталі гэтага рабіць і паабяцалі клапаціцца пра сабаку да канца яго жыцця.
