Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Журналісты БРЦ – лаўрэаты нацыянальнай прэміі «Вольнае слова» Беларускай асацыяцыі журналістаў за расследаванні ў 2018, 2019, 2020, 2021 і 2022 гадах. На «Вольным слове» у 2021 годзе каманда БРЦ атрымала першае месца ў катэгорыі «Аналітыка».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
«Шкварка News» апублікаваў фэйкавае відэа з жартам пра Трампа і Зяленскага, які выпадкова трапіў у эфір Бі-бі-сі
Каманда WTF знайшла арыгінальны запіс эфіру Бі-бі-сі.
Украінскі карэспандэнт Бі-бі-сі Джэймс Уотэрхаўс пажартаваў на тэму сустрэчы прэзідэнтаў Украіны і ЗША Уладзіміра Зяленскага і Дональда Трампа, думаючы, што ён ужо не ў жывым эфіры. Пра гэта паведамілі аўтары тэлеграм-каналу «Шкварка News» і апублікавалі відэа з нібыта гэтым канфузам. Каманда Weekly Top Fake знайшла арыгінал сюжэту.
Пост з відэа, на якое, як сцвярджаюць аўтары тэлеграм-каналу «Шкварка News», выпадкова трапіла рэпліка карэспандэнта Бі-бі-сі, апублікавалі 5 сакавіка 2025 года.
«Ангельскі журналіст ВВС, думаючы што ён ужо не ў жывым эфіры, жорстка пажартаваў на тэму нядаўняй сустрэчы Зяленскага з Трампам:
— Я чуў мем, што гэта быў другі выпадак у гісторыі, калі прэзідэнт кагосьці трахнуў у авальным кабінеце», — напісана пад відэа.
У апублікаваным аўтарамі тэлеграм-каналу роліку за кадрам сапраўды чутная рэпліка падобнага зместу, сказаная мужчынскім голасам. Каманда WTFзнайшла арыгінальны запіс эфіру Бі-бі-сі. На ім закадравай рэплікі няма.
Сам Джэймс Уотэрхаўс заявіў, што голас згенераваны штучным інтэлектам. Пра гэта ён напісаў у сацсетцы Х.
