Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Нашыя журналісты атрымалі прэмію Ганса Штайгэра за журналісцкія расследаванні ад Міжнароднага цэнтру журналістаў (ICFJ), прэмію за свабодныя СМІ (Free Media Award) ад фондаў ZEIT-Stiftung Bucerius і Fritt Ord, а таксама прэмію за дасягненні ў журналістыцы дадзеных (Data Journalism Award) ад Грамадства садзейнічання развіццю працоўнай дзейнасці журналістаў і рэдакцыі (SABEW). Наш праект Dubai Unlocked увайшоў «у шорт-ліст» Sigma Awards.
З 2018 па 2026 год нашыя журналісты таксама атрымалі 11 узнагародаў беларускай нацыянальнай прэміі «Вольнае слова».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
€760 роўныя €1500? На АНТ падцягнулі беларускія заробкі да партугальскага ўзроўню
Правяраем заяву кіраўніка саюзу прадпрымальнікаў пра еўрапейскі ўзровень заробкаў у Беларусі.
У Беларусі сярэдні заробак дасягнуў узроўню Партугаліі, заявіў старшыня Беларускага саюзу прадпрымальнікаў Аляксандр Калінін. Каманда Weekly Top Fake праверыла, ці так гэта.
Эканамічнымі дасягненнямі Беларусі ганаровы старшыня Беларускага саюзу прадпрымальнікаў Аляксандр Калінін пахваліўся 7 чэрвеня 2025 года ў праграме «Як паглядзець» на АНТ.
«У нас расце сярэдні заробка, так? Ён дасягнуў узроўню некаторых еўрапейскіх краін. То бок 800 долараў праз умацаванне беларускага рубля, што адпавядае, дапусцім, сярэдняму заробку ў Партугаліі і гэтак далей», — прывёў прыклад Калінін.
У Беларусі, паводле дадзеных Белстату, у красавіку 2025 года намінальны сярэдні заробак дасягнуў €760. У доларах гэта нават трохі больш за суму, якую назваў Аляксандр Калінін. У Партугаліі, па інфармацыі Нацыянальнага інстытуту статыстыкі, зарабляюць у сярэднім больш за €1,5 тыс. Бліжэй да беларускага сярэдняга заробку партугальскі мінімальны — €870 у месяц. Але і гэта сума на $100 вышэй.
Амаль ва ўсіх краінах Еўразвязу мінімальны заробак абганяе сярэдні беларускі. Выключэнне тры краіны: Балгарыя, Вугоршчына і Латвія. А заробкавы мінімум у Беларусі — трохі большы за €200.
