Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Нашыя журналісты атрымалі прэмію Ганса Штайгэра за журналісцкія расследаванні ад Міжнароднага цэнтру журналістаў (ICFJ), прэмію за свабодныя СМІ (Free Media Award) ад фондаў ZEIT-Stiftung Bucerius і Fritt Ord, а таксама прэмію за дасягненні ў журналістыцы дадзеных (Data Journalism Award) ад Грамадства садзейнічання развіццю працоўнай дзейнасці журналістаў і рэдакцыі (SABEW). Наш праект Dubai Unlocked увайшоў «у шорт-ліст» Sigma Awards.
З 2018 па 2026 год нашыя журналісты таксама атрымалі 11 узнагародаў беларускай нацыянальнай прэміі «Вольнае слова».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
Суд прызнаў выбары ў Берліне недэмакратычнымі і сфальсіфікаванымі? Правяраем словы міністра інфармацыі РБ
Галасаванне адбывалася з вялікай колькасцю збояў — не хапала выбарчых бюлетэняў.
На выбарах у нямецкай сталіцы былі выяўленыя фальсіфікацыі і суд прызнаў іх недэмакратычнымі. Пра гэта ў эфіры «Беларусь 1» заявіў міністр інфармацыі Беларусі Уладзімір Пярцоў. Журналісты Weekly Top Fake праверылі гэта сцверджанне.
Міністр інфармацыі Беларусі Уладзімір Пярцоў 1 сакавіка ў эфіры перадачы «Клуб рэдактараў» на «Беларусь 1» распавёў пра ўражанні ад беларускіх выбараў, якімі, паводле яго слоў, з ім падзяліліся госці з Нямеччыны.
«Нават нямецкі назіральнік, які прыязджаў, сказаў: “Так у нас у Берліне суд прызнаў выбары недэмакратычнымі праз фальсіфікацыі і падтасоўкі. А ў вас я, куды не прыйду, людзі прыходзяць, самі запаўняюць, укідваюць”», — распавёў ён.
У верасні 2021 года ў Нямеччыне прайшлі выбары, на якіх выбарнікі павінны былі адначасова прагаласаваць на выбарах у бундэстаг (нямецкі парламент), на рэферэндуме аб нацыяналізацыі нерухомасці, якая належыць канцэрнам, якія здаюць жыллё ў арэнду, а таксама выбраць дэпутатаў у зямельны парламент і раённыя сходы ў Берліне.
Галасаванне адбывалася з вялікай колькасцю збояў — не хапала выбарчых бюлетэняў, выбарчыя ўчасткі часова зачыняліся або заставаліся адкрытымі даўжэй, чым належыць, перад многімі ўчасткамі выстройваліся доўгія чэргі. У выніку Федэральны канстытуцыйны суд пастанавіў правесці ў частцы акругаў Берліна перавыбары. У судовым рашэнні адзначаецца, што гэта рашэнне не звязана з фальсіфікацыямі або маніпуляцыямі вынікамі галасавання.
