Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Журналісты БРЦ – лаўрэаты нацыянальнай прэміі «Вольнае слова» Беларускай асацыяцыі журналістаў за расследаванні ў 2018, 2019, 2020, 2021 і 2022 гадах. На «Вольным слове» у 2021 годзе каманда БРЦ атрымала першае месца ў катэгорыі «Аналітыка».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
«ЖС прэміум»: ва Украіне соль каштуе ў 40 разоў даражэй, чым у Беларусі. Журналісты WTF разабраліся, чаму
Кілаграм звычайнай солі ў беларускай краме каштуе каля 80 капеек.
Ва Украіне кілаграм солі «Воля» каштуе ў 40 разоў даражэй, чым соль у Беларусі, падзяліўся навіной тэлеграм-канал «ЖС прэміум». Каманда Weekly Top Fake праверыла гэтую інфармацыю і высветліла, пра што аўтары публікацыі не згадалі.
Пост пра цэны на соль ва Украіне з відэа тэлеграм-канал «ЖС прэміум» апублікаваў 29 чэрвеня 2024 года.
«Як мінімум раз у 40 разоў даражэй, чым у Беларусі.
Сёння ўвесь TikTok узарвала відэа з украінскай крамы, на якім звычайная соль са здзеклівай назвай "Воля" назвай каштуе 400 грыўняў за кіло.
Гэта ў 40 разоў даражэй, чым у Беларусі, і ў 36 разоў даражэй, чым у Марыупалі», — гаворыцца ў пасце.
Кілаграм звычайнай солі ў беларускай краме каштуе каля 80 капеек. 400 грыўняў — кошт украінскай «Волі», як сцвярджае «ЖС Прэміум», — гэта больш за 30 беларускіх рублёў. Значыць розніца прыкладна ў 40 разоў.
На самай справе звычайная соль ва Украіне каштуе значна менш. Кошт солі «Воля» — вынік акцыі ўкраінскай гандлёвай сеткі NOVUS па зборы грошай для фронту.
«Купляеце тую самую соль. А ўвесь прыбытак мы перадаём нашым абаронцам на перадавую», — гаворыцца ў рэкламным роліку акцыі.
Гэта пазней патлумачыў і аўтар відэа, якое апублікаваў «ЖС прэміум»:
«Усё нармальна, для людзей, хто злараднічае, усім прывітанне. Выдыхаем, бабры, ўсё. У той краме па 13 [грыўняў] была, толькі я не паспеў засняць».
Звычайная соль ва Украіне каштуе ад 13 грыўняў. Гэта 1 беларускі рубель. Значыць, кошт вышэйшы, чым у Беларусі, але ўсяго на 20 капеек.
