Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Нашыя журналісты атрымалі прэмію Ганса Штайгэра за журналісцкія расследаванні ад Міжнароднага цэнтру журналістаў (ICFJ), прэмію за свабодныя СМІ (Free Media Award) ад фондаў ZEIT-Stiftung Bucerius і Fritt Ord, а таксама прэмію за дасягненні ў журналістыцы дадзеных (Data Journalism Award) ад Грамадства садзейнічання развіццю працоўнай дзейнасці журналістаў і рэдакцыі (SABEW). Наш праект Dubai Unlocked увайшоў «у шорт-ліст» Sigma Awards.
З 2018 па 2026 год нашыя журналісты таксама атрымалі 11 узнагародаў беларускай нацыянальнай прэміі «Вольнае слова».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
Беларусы за мяжой перасталі выходзіць на акцыі. Правяраем, ці так гэта
Weekly Top Fake абвергла фэйкавае відэа.
Следчы камітэт Беларусі павялічыў спіс падазраваных па палітычнай крымінальнай справе «Беларусы замежжа». Пасля гэтага «ўдзельнікі экстрэмісцкіх шабашоў за мяжой» пачалі хавацца ад камер і перасталі выходзіць на акцыі, сцвярджае тэлеграм-канал «ЖС Premium». Каманда Weekly Top Fake праверыла, ці праўда гэта.
У спіс фігурантаў па крымінальнай справе беларусаў, якія з'ехалі, СК дадаў 104 прозвішчы. Як піша БелТА, гэта людзі, якія ўзялі ўдзел у акцыях пратэсту на Дзень Волі ў сакавіку 2024 года ў ЕЗ і ЗША. Іх падазраюць ва ўдзеле ў экстрэмісцкай арганізацыі і дыскрэдытацыі Беларусі.
Пасля гэтага беларусы за мяжой нібыта перасталі выходзіць на акцыі, сцвярджаюць аўтары тэлеграм-канала «ЖС Premium». 16 траўня 2024 года яны апублікавалі пост з відэа: на агароджы будынка насупраць консульства Беларусі ў Беластоку вісяць банэры, людзей побач няма.
«Ржака дня. Пасля таго як СК завёў крымінальныя справы (з канфіскацыяй барахла!) на ўдзельнікаў экстрэмісцкіх шабашоў за мяжой, тыя татальна сталі хавацца ад камер. Ад ВІДЭАкамер, прабачце за каламбур. Чарговая справаздачна-грантавая вылазка да беларускай дыпмісіі ў Польшчы прайшла наогул без адзінага чалавека. Гранты-грантамі, а кватэрка на радзіме бліжэй да цела», — піша тэлеграм-канал.
«Сёння, 10 траўня, Беларуская дыяспара Беластока размясціла ў скверы Вольнай Беларусі насупраць консульства РБ вялікі банэр "БЕЛАРУСЬ — НЕ РАСЕЯ!", "БЕЛАРУСЬ ≠ РЭЖЫМ ЛУКАШЭНКА!» — заявіла беларуская дыяспара ў Беластаку ў фэйсбуку.
