Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Нашыя журналісты атрымалі прэмію Ганса Штайгэра за журналісцкія расследаванні ад Міжнароднага цэнтру журналістаў (ICFJ), прэмію за свабодныя СМІ (Free Media Award) ад фондаў ZEIT-Stiftung Bucerius і Fritt Ord, а таксама прэмію за дасягненні ў журналістыцы дадзеных (Data Journalism Award) ад Грамадства садзейнічання развіццю працоўнай дзейнасці журналістаў і рэдакцыі (SABEW). Наш праект Dubai Unlocked увайшоў «у шорт-ліст» Sigma Awards.
З 2018 па 2026 год нашыя журналісты таксама атрымалі 11 узнагародаў беларускай нацыянальнай прэміі «Вольнае слова».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
Французскі часопіс намаляваў Макрона аскубаным пеўнем, паведаміла БТ. Мы знайшлі сапраўдную вокладку
Эмануэль Макрон ужо другі раз заявіў пра магчымую адпраўку французскіх войскаў ва Украіну.
Французскі прэзідэнт Эмануэль Макрон зноў заявіў, што не выключае адпраўку войскаў ва Украіну «для процідзеяння расейскім сілам». Пасля гэтага беларускія медыі апублікавалі вокладку нібыта французскага часопісу, дзе палітык намаляваны аскубаным пеўнем. Каманда Weekly Top Fake разабралася, што не так з гэтай ілюстрацыяй.
Эмануэль Макрон ужо другі раз заявіў пра магчымую адпраўку французскіх войскаў ва Украіну 16 сакавіка 2024 года. Гэта выклікала павышаную цікавасць да палітыка з боку беларускіх медыяў. Праз два дні на сайце Белтэлерадыёкампаніі з'явілася нататка з загалоўкам «Французы адкрыта смяюцца са свайго Макрона-Напалеона» і фатаграфіяй вокладкі быццам бы французскага часопісу.
«На французскім канале France 24 весела абмяркоўваюць "доўгачаканую" вокладку часопіса, дзе Макрон намаляваны як аскубаны злы певень», — гаворыцца ў нататцы.
У тэксце ёсць спасылка, якая вядзе ў тэлеграм-канал «Шкварка 2.0», дзе таксама апублікавана фота вокладкі і відэа з тэлеканалу France 24. На ім госці ў студыі нібыта абмяркоўваюць гэты выпуск выдання.
Журналісты Weekly Top Fake знайшлі арыгінал відэа на сайце тэлеканалу. Там усё супадае. Акрамя вокладкі часопісу. На ёй няма Макрона і певень не аскубаны. Гэта азначае, што навіна на сайце Белтэлерадыёкампаніі і ў канале «Шкварка 2.0» фэйкавая.
