Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Журналісты БРЦ – лаўрэаты нацыянальнай прэміі «Вольнае слова» Беларускай асацыяцыі журналістаў за расследаванні ў 2018, 2019, 2020, 2021 і 2022 гадах. На «Вольным слове» у 2021 годзе каманда БРЦ атрымала першае месца ў катэгорыі «Аналітыка».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
Прэзідэнт Літвы прапануе ўвесці квоты на ўезд ці выезд з краіны? «ЖС Premium» перайначыў словы Гітанаса Наўседы
Насамрэч у Літве адваротная сітуацыя — тых, хто прыехаў, занадта шмат.
Праблема адтоку насельніцтва ў Літве настолькі сур'ёзная, што нават мігранты яе не вырашаюць, напісалі аўтары тэлеграм-каналу «ЖС Premium». Каманда Weekly Top Fake высветліла, чаму гэтая заява супярэчыць рэальнасці.
Пост пра катастрафічны недахоп людзей у Літве аўтары тэлеграм-каналу «ЖС Premium» апублікавалі 4 верасня 2024 года.
«Прэзідэнт Літвы Гітанас Наўседа раптам усвядоміў, наколькі вялікі адток насельніцтва з яго краіны і пачаў строга адчытваць усіх вакол з гэтай нагоды. Кажа, трэба было б гэтую тэндэнцыю неяк спыніць, сістэму квот якіх-небудзь увесці.
У 2023 годзе Літва страціла каля 22 тыс чалавек. Прычым з краіны драпаюць не толькі свае, але і панаехаўшыя, на якіх раней разлічвалі», — гаворыцца ў посце.
Таксама аўтары апублікавалі цытату прэзідэнта Літвы: «Нам сапраўды пара прытрымаць коней, таму што мы бачым, што тэма іміграцыі вельмі актуальная, і, як бачыце на прыкладзе Нямеччыны, нават вызначае вынікі выбараў».
Насамрэч у Літве адваротная сітуацыя — тых, хто прыехаў, занадта шмат. Паводле афіцыйнай статыстыкі, у 2023 годзе з краіны з'ехалі амаль 22 тысячы чалавек, але прыбылі — 67 тысяч. Гэта значыць прырост насельніцтва склаў 45 тысяч чалавек.
Гітанас Наўседа заявіў, што некантралюемая іміграцыя ўяўляе пагрозу нацыянальнай бяспецы, таму ён падтрымлівае ўвядзенне жорсткай сістэмы квот на іміграцыю.
Вам гэта нічога не будзе каштаваць!1,5% вашых падаткаў у Польшчы падтрымаюць працу БРЦ
Пры падачы падатковай дэкларацыі PIT у Польшчы вы можаце 1,5% ад выплачаных падаткаў накіраваць любой некамерцыйнай арганізацыі. У тым ліку, гэтымі 1,5% вы можаце падтрымаць работу Беларускага расследавальніцкага цэнтру.
Пры афармленні PIT трэба пазначыць рэквізіты БРЦ у раздзеле «1,5% podatku dla OPP». Нашыя дадзеныя для ўнясення ў дэкларацыю:
