Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Нашыя журналісты атрымалі прэмію Ганса Штайгэра за журналісцкія расследаванні ад Міжнароднага цэнтру журналістаў (ICFJ), прэмію за свабодныя СМІ (Free Media Award) ад фондаў ZEIT-Stiftung Bucerius і Fritt Ord, а таксама прэмію за дасягненні ў журналістыцы дадзеных (Data Journalism Award) ад Грамадства садзейнічання развіццю працоўнай дзейнасці журналістаў і рэдакцыі (SABEW). Наш праект Dubai Unlocked увайшоў «у шорт-ліст» Sigma Awards.
З 2018 па 2026 год нашыя журналісты таксама атрымалі 11 узнагародаў беларускай нацыянальнай прэміі «Вольнае слова».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
Праўладны тэлеграм-канал выдаў удар Украіны па Севастопалю за напад Ірану на Ізраіль
Ізраіль 1 красавіка 2024 года нанёс удар па консульстве Ірану ў Дамаску.
Тэлеграм-канал ЖС Premium апублікаваў відэа, на якім нібыта паказаны напад Ірану на Ізраіль у ноч на 14 красавіка. Каманда Weekly Top Fake высветліла, дзе насамрэч яно было знята.
Ізраіль 1 красавіка 2024 года нанёс удар па консульстве Ірану ў Дамаску, у выніку чаго загінулі сем іранскіх вайсковых дарадцаў. Сярод іх — двое высокапастаўленых генералаў Корпусу вартавых ісламскай рэвалюцыі (КВІР). Як сцвярджае Ізраіль, там на самай справе размяшчалася база спецпадраздзялення КВІР «Аль-Кудс», якое падтрымлівае ХАМАС. У адказ Іран у ноч на нядзелю 14 красавіка выпусціў па тэрыторыі Ізраілю больш за 300 ракет і беспілотнікаў. Аперацыю назвалі «Праўдзівае абяцанне».
Тэлеграм-канала ЖС Premium 14 красавіка 2024 года размясціў пост з вынікамі аперацыі Ірану і апублікаваў відэа нібыта нападу на Ізраіль. На самай справе на ім — удар Украіны па Севастопалі. Відэа было апублікавана яшчэ 23 сакавіка, гэта значыць да аперацыі «Праўдзівае абяцанне».
Украінскі бок сцвярджаў, што нанёс тады ўдары па некалькіх караблях Чарнаморскага флоту. Расейскі — афіцыйна ніяк не каментавала атаку. Паводле неафіцыйнай інфармацыі расейскіх тэлеграм-каналаў, пашкоджанні караблі тады сапраўды атрымалі.
