Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Нашыя журналісты атрымалі прэмію Ганса Штайгэра за журналісцкія расследаванні ад Міжнароднага цэнтру журналістаў (ICFJ), прэмію за свабодныя СМІ (Free Media Award) ад фондаў ZEIT-Stiftung Bucerius і Fritt Ord, а таксама прэмію за дасягненні ў журналістыцы дадзеных (Data Journalism Award) ад Грамадства садзейнічання развіццю працоўнай дзейнасці журналістаў і рэдакцыі (SABEW). Наш праект Dubai Unlocked увайшоў «у шорт-ліст» Sigma Awards.
З 2018 па 2026 год нашыя журналісты таксама атрымалі 11 узнагародаў беларускай нацыянальнай прэміі «Вольнае слова».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
Дэкан журфаку БДУ сказаў, што Беларусь у лідарах сярод краін ЕАЭС па росце заробкаў, але не згадаў пра адзін нюанс
Сярэднямесячная намінальная зарплата за студзень–верасень 2024 года ў Беларусі склала $690 у эквіваленце.
Беларусь — лідар па росце заробкаў у ЕАЭС, нягледзячы на санкцыі, заявіў дэкан факультэту журналістыкі БДУ Аляксей Бяляеў у эфіры тэлеканалу СТБ. Каманда Weekly Top Fake высветліла, што гэта праўда, але не ўся.
Пра паспяховае развіццё беларускай эканомікі, якой не перашкаджаюць ніякія санкцыйныя абмежаванні, дэкан факультэту журналістыкі БДУ Аляксей Бяляеў распавёў 15 снежня 2024 года ў эфіры праграмы «САСС упаўнаважаны заявіць» на СТБ.
«Але насамрэч сарказм сарказмам, а Беларусь у лідарах у рамках Еўразійскага эканамічнага саюза па росце заробкаў за апошні год. Нягледзячы на ўсе санкцыі», — заявіў Бяляеў.
За 9 месяцаў 2024 года рэальны заробак у Беларусі вырас на 13% у адносінах да таго ж перыяду мінулага года. Гэта самы высокі тэмп росту сярод краін ЕАЭС (хоць ужо ў кастрычніку гэты паказнік знізіўся да 9,5%). Нягледзячы на гэта, памер намінальнага сярэдняга заробку ў Беларусі ў доларавым эквіваленце з'яўляецца адным з самых нізкіх сярод краін ЕАЭС.
Сярэднямесячная намінальная зарплата за студзень–верасень 2024 года ў Беларусі склала $690 у эквіваленце. Менш толькі ў Кыргызстане — $409.
У лідарах — Расея ($928), следам за ёй — Казахстан ($854) і Арменія ($713).
