Пра міралюбнасць Уладзіміра Пуціна і Аляксандра Лукашэнкі дэпутат Алег Гайдукевіч распавёў 12 чэрвеня 2024 года ў праграме «Аб'ектыўНа»:
«Мне што падабаецца. Паглядзіце на Пуціна і Лукашэнку, у іх няма ядравай рыторыкі па сутнасці. Яны не гістэраць, як еўрапейскія лідары, вельмі асцярожна да гэтай тэмы падыходзяць. Колькі разоў у сваіх выступах Пуцін, Лукашэнка ўдваіх, сінхронна, нездарма кажуць: хлопцы, навошта вы падымаеце гэтыя ядравыя пытанні, мы ніколі не збіраемся гэтага рабіць, мы не хочам».
Каманда Weekly Top Fake знайшла заявы Лукашэнкі і Пуціна гэтую тэму.
«Ужывання прычына толькі адна: агрэсія супраць нашай Беларусі. І гэта будзе рашэнне неадкладнае», — казаў Лукашэнка 14 чэрвеня 2023 года.
Яшчэ адна яго цытата з поста за 9 траўня 2024 года ў тэлеграм-канале «Пул першага»: «Мы ні на каго не збіраемся нападаць. Але ўсе павінны разумець, што за намі не заржавее».
Гэта заявы Уладзіміра Пуціна: «Адказ Расеі будзе неадкладным і прывядзе вас да такіх наступстваў, з якімі вы ў сваёй гісторыі яшчэ ніколі не сутыкаліся».
Таксама ён казаў: «Нашы зваротна-сустрэчныя ўдары будуць імгненнымі, хуткімі. У нас ёсць для гэтага ўсе інструменты, такія, якімі не можа цяпер пахваліцца ніхто. А мы выхваляцца не будзем, мы будзем іх выкарыстоўваць, калі спатрэбіцца».
І яшчэ адна цытата расейскага прэзідэнта, якая супярэчыць словам Гайдукевіча: «Хачу нагадаць, што наша краіна таксама мае розныя сродкі паражэння, а па асобных кампанентах больш сучасныя, чым у краін NATO. І пры пагрозе тэрытарыяльнай цэласнасці нашай краіны, для абароны Расеі і нашага народу мы, безумоўна, выкарыстоўваем усе наяўныя ў нашым распараджэнні сродкі. Гэта не блеф».
