Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Нашыя журналісты атрымалі прэмію Ганса Штайгэра за журналісцкія расследаванні ад Міжнароднага цэнтру журналістаў (ICFJ), прэмію за свабодныя СМІ (Free Media Award) ад фондаў ZEIT-Stiftung Bucerius і Fritt Ord, а таксама прэмію за дасягненні ў журналістыцы дадзеных (Data Journalism Award) ад Грамадства садзейнічання развіццю працоўнай дзейнасці журналістаў і рэдакцыі (SABEW). Наш праект Dubai Unlocked увайшоў «у шорт-ліст» Sigma Awards.
З 2018 па 2026 год нашыя журналісты таксама атрымалі 11 узнагародаў беларускай нацыянальнай прэміі «Вольнае слова».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
Лукашэнка і Сталін: Азаронак знайшоў падабенства, а каманда WTF — у чым ён памыліўся
Бацька Сталіна быў шаўцом, маці не мела сталай працы.
Рыгор Азаронак заявіў, што сярод усіх кіраўнікоў «нашай дзяржавы» Аляксандра Лукашэнку і Іосіфа Сталіна аб'ядноўваюць сельскія карані. Пад «нашай дзяржавай» ён, верагодна, меў на ўвазе СССР. Каманда Weekly Top Fake спраўдзіла, дзе насамрэч выраслі лідары Савецкага Саюзу.
Гаворка пра падабенства Іосіфа Сталіна і Аляксандра Лукашэнкі ішла 7 кастрычніка 2024 года ў праграме «Азаронак. Наўпрост».
«І калі глядзець на ўсіх кіраўнікоў нашай дзяржавы, то з вёскі два чалавекі — Іосіф Вісарыёнавіч, у яго сяляне — у вёсцы Горы — бацькі, і Аляксандр Рыгоравіч», — распавёў вядоўца Рыгор Азаронак.
«Нашай дзяржавай» Азаронак, падобна, назваў СССР. З сямі кіраўнікоў Савецкага Саюзу пяцёра нарадзіліся ў вёсках: Леанід Брэжнеў, Мікіта Хрушчоў, Юрый Андропаў, Канстанцін Чарненка і Міхаіл Гарбачоў.
А двое кіраўнікоў — выхадцы з гарадоў — Уладзімір Ленін і Іосіф Сталін. Населены пункт Горы, у якім у 1878 годзе нарадзіўся апошні, стаў горадам задоўга да яго з'яўлення — у 1801-м. Бацька Сталіна быў шаўцом, маці не мела сталай працы.
Маці Аляксандра Лукашэнкі была даяркай, яны жылі ў вёсцы.
