Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Журналісты БРЦ – лаўрэаты нацыянальнай прэміі «Вольнае слова» Беларускай асацыяцыі журналістаў за расследаванні ў 2018, 2019, 2020, 2021 і 2022 гадах. На «Вольным слове» у 2021 годзе каманда БРЦ атрымала першае месца ў катэгорыі «Аналітыка».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
«Мінская праўда»: экс-галоўнакамандуючы УСУ замяшаны ў карупцыйным скандале. Праверылі, ці так гэта
Валерый Залужны быў галоўнакамандуючым УСУ. Яго зона адказнасці — сітуацыя на фронце.
Былы галоўнакамандуючы УСУ Валерый Залужны замяшаны ў карупцыйных скандалах, заявіла вядоўца ютуб-каналу «Мінскай праўды» Марына Субота. Каманда Weekly Top Fake разабралася, пра якія скандалы гаворка і ці мае да іх дачыненне Залужны.
Экс-галоўнакамандуючага УСУ Валерыя Залужнага ў датычнасці да карупцыі вядоўца ютуб-каналу «Мінскай праўды» Марына Субота абвінаваціла 25 кастрычніка 2024 года.
«Экс-кіраўнік Узброеных сіл Украіны, які да гэтага часу ў карупцыйных скандалах, маштабам якіх пазайздросцілі б нават экс-намеснік міністра абароны Расеі, як вы памятаеце, быў адхілены і адпраўлены на ганаровую пенсію ў Вялікую Брытанію. Залужны — афіцыйна пасол Кіева ў Лондане. І гэты факт наўпрост адказвае на пытанне, чые інтарэсы ён абараняў на ўкраінска-расейскім фронце», — сказала вядоўца.
Карупцыйны скандал, які згадала Марына Субота, разгарэўся ў Міністэрстве абароны Украіны ў канцы лета — пачатку восені 2023 года. Цяперашні міністр абароны Украіны Рустэм Умераў у студзені 2024 года паведаміў, што тады выявілі крадзяжоў як мінімум на 10 млрд грыўняў (каля $270 млн). На фоне скандалу страціў пасаду былы міністр абароны Аляксей Рэзнікаў.
Валерый Залужны быў галоўнакамандуючым УСУ. Яго зона адказнасці — сітуацыя на фронце.
У адкрытым доступе няма абвінавачванняў у карупцыі на адрас Залужнага. Ён не згадваецца ў кантэксце карупцыйных скандалаў. Афіцыйная прычына яго адстаўкі — неабходнасць перазагрузкі ваеннай стратэгіі. Неафіцыйная — супярэчнасці паміж ім і Уладзімірам Зяленскім.
Пенсіі па інваліднасці за гэты час выраслі амаль у два разы. Але Марына Арцёменка не сказала, што гэтыя выплаты застаюцца аднымі з самых нізкіх у Еўропе.
