Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Журналісты БРЦ – лаўрэаты нацыянальнай прэміі «Вольнае слова» Беларускай асацыяцыі журналістаў за расследаванні ў 2018, 2019, 2020, 2021 і 2022 гадах. На «Вольным слове» у 2021 годзе каманда БРЦ атрымала першае месца ў катэгорыі «Аналітыка».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
Беларускія дзяржаўныя медыі замоўчвалі факты, якія перашкаджалі ствараць патрэбнае ім уяўленне пра вайну Палестыны і Ізраілю. Яны актыўна распавядалі пра мітынгі ў падтрымку Палестыны, якія прайшлі ў Парыжы, Берліне, гарадах ЗША. «Пратэсты сталі практычна бесперапыннымі», «свет як ніколі блізка стаў на мяжу расколу» — так «Беларусь 1» 28 кастрычніка ахарактарызаваў маштаб акцый у падтрымку сектару Газа.
«Не ўдалося задурманіць розум і сотняў тысяч людзей па ўсім свеце», — выступіў на баку арабскага анклава тэлеканал.
Дзяржаўныя медыі замоўчвалі, што ў цэнтры Парыжа накрылі доўгі абедзенны стол, за якім не было людзей, але на пустых крэслах ляжалі фотаздымкі тых, каго баевікі ХАМАС узялі ў палон. А таксама не інфармавалі пра мітынгі ў падтрымку Ізраілю, якія праходзілі ў Берліне, Вене, Бруселі, Вашынгтоне, Нью-Ёрку, Сіднэі.
