Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Журналісты БРЦ – лаўрэаты нацыянальнай прэміі «Вольнае слова» Беларускай асацыяцыі журналістаў за расследаванні ў 2018, 2019, 2020, 2021 і 2022 гадах. На «Вольным слове» у 2021 годзе каманда БРЦ атрымала першае месца ў катэгорыі «Аналітыка».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
БТ: Палякі хацелі б ездзіць у Беларусь глядзець на спакойнае жыццё, у адрозненні ад беларусаў, якія «навідаліся дэмакратыі». Лічбы кажуць пра адваротнае
Паглядзець жа на дэмакратыю ў Польшчу, паводле звестак польскіх памежнікаў, летась прыехалі 1,5 млн чалавек. Гэта 15% насельніцтва Беларусі.
Палякі хацелі б паехаць у Беларусь паглядзець на спакойнае жыццё, але Польшча ўзяла курс на ізаляцыю, заявіла вядоўца «Беларусь 1» Дар'я Рачко. Каманда Weekly Top Fake разабралася, ці сапраўды суседзі так ірвуцца ў Беларусь.
Польскія ўлады заявілі пра ўзмацненне аховы мяжы з Беларуссю і стварэнне буфернай зоны каля яе. Адбылося гэта пасля смерці жаўнера ад нажавога ранення, атрыманага падчас патрулявання польска-беларускай мяжы 28 траўня. Атакаваў паляка мужчына з групы мігрантаў, якія спрабавалі прарвацца праз загароду.
На «Беларусь 1», распавядаючы пра ўмацаванне мяжы 11 чэрвеня 2024 года, заявілі, што Польшча ўзмацняе меры з боязі, што палякі паедуць у Беларусь глядзець на спакойнае жыццё.
«Варшава бярэ курс на ізаляцыю, не адкрывае памежныя пераходы, страйкуе, даводзіцца стаяць на мяжы па 70 гадзін. А вы чаго баіцеся? Нам-та ваша дэмакратыя не патрэбна — навідаліся. А вось палякі да нас бы і рады на жыццё спакойнае паглядзець», — распавяла Дар'я Рачко.
Заявы вядоўцы не пацвярджаюцца статыстыкай. Паводле звестак Дзяржпамежкамітэту Беларусі, на пачатак 2023 года па бязвізе ў Беларусь заехалі 22 тысячы палякаў, а на пачатак 2024-га — 65 тысяч. То бок, летась паглядзець на спакойнае жыццё прыехалі прыкладна 43 тысячы грамадзян Польшчы, або 0,1% ад насельніцтва краіны.
Паглядзець жа на дэмакратыю ў Польшчу, паводле звестак польскіх памежнікаў, летась прыехалі 1,5 млн чалавек. Гэта 15% насельніцтва Беларусі.
