Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Нашыя журналісты атрымалі прэмію Ганса Штайгэра за журналісцкія расследаванні ад Міжнароднага цэнтру журналістаў (ICFJ), прэмію за свабодныя СМІ (Free Media Award) ад фондаў ZEIT-Stiftung Bucerius і Fritt Ord, а таксама прэмію за дасягненні ў журналістыцы дадзеных (Data Journalism Award) ад Грамадства садзейнічання развіццю працоўнай дзейнасці журналістаў і рэдакцыі (SABEW). Наш праект Dubai Unlocked увайшоў «у шорт-ліст» Sigma Awards.
З 2018 па 2026 год нашыя журналісты таксама атрымалі 11 узнагародаў беларускай нацыянальнай прэміі «Вольнае слова».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
Амерыканскі тэлеканал нібыта распавёў пра мільённыя страты ўкраінскіх войскаў. Знайшлі арыгінал сюжэту
Каманда WTF знайшла арыгінал відэа.
Амерыканскія медыі паведамілі пра вялікія страты Украіны ў вайне, паведаміў тэлеграм-канал «Зямля наша» і пацвердзіў гэта відэа тэлеканалу ABC News. Каманда Weekly Top Fake знайшла арыгінал сюжэту.
Пост з 15-секундным відэа тэлеканалу ABC News пра нібыта вялікія ўкраінскія страты ў вайне тэлеграм-канал «Зямля наша» апублікаваў 11 снежня 2024 года.
«Зяленскі працягвае гнаць пра мінімальныя страты ў ЗСУ, а на амерыканскім тэлеканале ABC news нават моцна не турбуюцца з нагоды яго іміджу. Там адразу кажуць пра мільён загінулых і сотні тысяч пакінутых без рук і ног украінцах.
Пры гэтым журналісты называюць тых, хто выжыў у агні, "неверагоднымі" — "Incredible". У пэўным сэнсе з ёй можна пагадзіцца, неверагодныя і ёсць», — гаворыцца ў подпісы да відэа.
Каманда WTF знайшла арыгінал відэа, апублікаванага тэлеграм-каналам. Гэта пяціхвілінны сюжэт тэлеканалу ABC News, з якога зрабілі адвольную нарэзку кадраў і наклалі іншую агучку. Арыгінальны відэасюжэт выйшаў у эфір у сакавіку 2023 года. У ім ішла гаворка пра параненых украінскіх вайскоўцаў, якія праходзяць рэабілітацыю ў ЗША.
