Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Нашыя журналісты атрымалі прэмію Ганса Штайгэра за журналісцкія расследаванні ад Міжнароднага цэнтру журналістаў (ICFJ), прэмію за свабодныя СМІ (Free Media Award) ад фондаў ZEIT-Stiftung Bucerius і Fritt Ord, а таксама прэмію за дасягненні ў журналістыцы дадзеных (Data Journalism Award) ад Грамадства садзейнічання развіццю працоўнай дзейнасці журналістаў і рэдакцыі (SABEW). Наш праект Dubai Unlocked увайшоў «у шорт-ліст» Sigma Awards.
З 2018 па 2026 год нашыя журналісты таксама атрымалі 11 узнагародаў беларускай нацыянальнай прэміі «Вольнае слова».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
Азаронак заявіў, што ўвесь свет павіншаваў Лукашэнку з днём народзінаў. Даведаліся, колькі краін у яго свеце
Хто павіншаваў Аляксандра Лукашэнку з днём народзінаў, паведаміў тэлеграм-канал «Пул Першага».
Аляксандру Лукашэнку 30 жніўня 2024 года споўнілася 70 гадоў. Рыгор Азаронак заявіў, што з днём народзінаў яго павіншаваў увесь свет. Каманда Weekly Top Fake высветліла, колькі краін на мапе Азаронка.
Пра шматлікія віншаванні з нагоды дня народзінаў Аляксандра Лукашэнкі Рыгор Азаронак распавёў 5 верасня 2024 года ў эфіры «Азаронак. Наўпрост».
«Учора цікавы каментар дала [прэс-сакратарка Лукашэнкі] Наталля Мікалаеўна Эйсмант з нагоды дня народзінаў прэзідэнта. Мы пра яго так публічна не казалі, але, натуральна, увесь свет бацьку ведае, увесь свет бацьку віншаваў», — распавёў вядоўца.
Хто павіншаваў Аляксандра Лукашэнку з днём народзінаў, паведаміў тэлеграм-канал «Пул Першага». Гэта лідары чатырох краін: Расеі, Таджыкістану, Азербайджану і Узбекістану.
Уладзімір Пуцін на 70-годдзе 7 кастрычніка 2022 года атрымаў віншаванні ад прадстаўнікоў 11 краін.
