Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Нашыя журналісты атрымалі прэмію Ганса Штайгэра за журналісцкія расследаванні ад Міжнароднага цэнтру журналістаў (ICFJ), прэмію за свабодныя СМІ (Free Media Award) ад фондаў ZEIT-Stiftung Bucerius і Fritt Ord, а таксама прэмію за дасягненні ў журналістыцы дадзеных (Data Journalism Award) ад Грамадства садзейнічання развіццю працоўнай дзейнасці журналістаў і рэдакцыі (SABEW). Наш праект Dubai Unlocked увайшоў «у шорт-ліст» Sigma Awards.
З 2018 па 2026 год нашыя журналісты таксама атрымалі 11 узнагародаў беларускай нацыянальнай прэміі «Вольнае слова».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
Клішэвіч: Літва выдаткоўвае на Ціханоўскую амаль паўмільёна еўра на месяц. Высветлілі, як моцна дэпутат памыліўся ў падліках
Дэпутат беларускага парламенту Сяргей Клішэвіч распавёў пра нянавісць літоўцаў да Святланы Ціханоўскай, бо на яе Літва выдаткоўвае амаль паўмільёна еўра на месяц.
У Вільні на сценах дамоў з'явіліся надпісы на літоўскай мове «Ціханоўская, прэч з нашага гораду». Дэпутат беларускага парламенту Сяргей Клішэвіч патлумачыў гэта нянавісцю літоўцаў да Святланы Ціханоўскай, бо на яе Літва выдаткоўвае амаль паўмільёна еўра на месяц. Каманда Weekly Top Fake высветліла, які напраўду бюджэт кабінету апазіцыйнага палітыка.
Пра выдаткі Літвы на Святлану Ціханоўскую дэпутат Сяргей Клішэвіч разважаў 2 жніўня 2024 года ў эфіры ў Рыгора Азаронка.
«Гэта нашы санкцыі, калі хочаце, супраць літоўскага ўраду. Кожны месяц яны на іх выдаткоўваюць 400 тысяч еўра, якія маглі выдаткаваць на школы, шпіталі, паліклінікі для свайго ўласнага літоўскага народу», — сказаў Клішэвіч.
Гэтая сума — верагодна, адсылка да посту дэпутата Сейма Літвы, які ў 2021 годзе заявіў, што літоўскі ўрад выдаткоўвае на Ціханоўскую €35 тыс. у месяц. Гэта значыць гаворка ідзе пра €400 тыс. у год, а не ў месяц. Клішэвіч памыліўся амаль у 11,5 разу.
Тады гэтую суму, дарэчы, ніхто не пацвердзіў. А афіцыйна бюджэт усяго офісу Святланы Ціханоўскай за ўвесь год склаў €180 тыс.
