Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Журналісты БРЦ – лаўрэаты нацыянальнай прэміі «Вольнае слова» Беларускай асацыяцыі журналістаў за расследаванні ў 2018, 2019, 2020, 2021 і 2022 гадах. На «Вольным слове» у 2021 годзе каманда БРЦ атрымала першае месца ў катэгорыі «Аналітыка».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
Сын экс-кіраўніка МЗС Украіны купіў жалезны трон з «Гульні тронаў» за $1,5 млн? «Наша Ніва» праверыла
Журналісты «Нашай Нівы» знайшлі арыгінальны сюжэт пра аўкцыён.
Партнёрскі матэрыял
Ягор Кулеба, сын украінскага палітыка, купіў на аўкцыёне жалезны трон з серыялу «Гульня тронаў» амаль за $1,5 млн, напісалі аўтары тэлеграм-каналу «ЖС Premium». Да посту дадалі відэа, якое мелася пацвердзіць гэтую інфармацыю. Але на справе дапамагло журналістам «Нашай Нівы» развянчаць фэйк.
Пра дарагую пакупку 18-гадовага сына Дзмітрыя Кулебы Ягора — жалезны трон з серыялу «Гульня тронаў» па матывах фэнтэзі Джорджа Марціна «Песня лёду і полымя» — «ЖС Premium» напісаў 3 снежня 2024 года.
«Па-першае, навошта ён яму патрэбны, а, па-другое, дзе сціплы 18-гадовы хлапчук узяў на куплю 1,5 млн долараў?» — запыталіся аўтары тэлеграм-каналу.
У пацверджанне да посту прымацавалі відэа — урывак з праграмы на тэхаскім тэлеканале Kens5. У ім ідзе гаворка пра аўкцыён, на якім трон быў лотам. Унізе на відэа бачны допіс «Дзе сын былога міністра замежных спраў Украіны ўзяў 1,5 млн долараў на “Жалезны трон”?», а на 12 секундзе на экране з’яўляюцца фотаздымкі бацькі і сына Кулебаў.
Гэтую інфармацыю з «ЖС Premium» у той жа дзень перапосціў у свой тэлеграм-канал «Галоўны. Тур» палітычны аглядальнік АНТ Ігар Тур.
Дзмітрый Кулеба — гэта былы міністр замежных спраў, а не ўнутраных, як напісалі «ЖС Premium».
Журналісты «Нашай Нівы» знайшлі арыгінальны сюжэт пра аўкцыён. У ім няма ані плашкі са згадкай Украіны і Кулебы, ані фотаздымкаў. Вядоўцы распавядаюць, што за лот змагаліся некалькі фанатаў «Гульні тронаў».
Поўнапамерную копію трона з серыялу, зробленую з пластыка, у кастрычніку прадалі на аўкцыёне ў Даласе. Буйныя медыі пісалі пра аўкцыён, але імя пакупніка не згадвалі.
