Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Журналісты БРЦ – лаўрэаты нацыянальнай прэміі «Вольнае слова» Беларускай асацыяцыі журналістаў за расследаванні ў 2018, 2019, 2020, 2021 і 2022 гадах. На «Вольным слове» у 2021 годзе каманда БРЦ атрымала першае месца ў катэгорыі «Аналітыка».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
Модны выбар моладзі: вядоўцы БТ распавялі пра трэнд на тэхнічныя спецыяльнасці, якога не існуе
Каледжы, ПТВ ці вну — Ілона Валынец і Яўген Горын не разабраліся ў тэндэнцыях у беларускай адукацыі.
У Беларусі, як і ва ўсім свеце, моладзь абірае працоўныя і тэхнічныя спецыяльнасці — такое сцвярджэнне прагучала ў эфіры News.by. Журналісты праекту Weekly Top Fake праверылі словы вядоўцаў каналу Ілоны Валынец і Яўгена Горына і высветлілі, што тыя не ўлічылі нюансаў.
Набор у беларускія каледжы ў 2025 годзе ў паўтара разу перавышае прыём у вну, паведаміў 30 ліпеня міністр адукацыі Андрэй Іванец. Службовец удакладніў, што большасць тых, хто паступае на ўзровень сярэдняй спецыяльнай адукацыі, — гэта выпускнікі 9 класаў школ. Абмяркоўваючы гэту тэму ў эфіры каналу News.by, вядоўцы Ілона Валынец і Яўген Горын пагадзіліся, што ў Беларусі назіраецца новы трэнд.
— Што працоўныя, тэхнічныя спецыяльнасці робяцца модным і, галоўнае, рацыянальным выбарам моладзі? — задала пытанне сувядоўцу Валынец.
— Ілона, гэта ва ўсім свеце адбываецца. Калі чалавек умее працаваць, як кажуць, рукамі, ён не прападзе, — адказаў Горын.
Журналісты праекту WTF высветлілі, што ў апошнія гады ў Беларусі — адваротная тэндэнцыя. За апошнія 4 гады (з 2020-га па 2024-ы) колькасць выпускнікоў 9 класаў вырасла на 25%, а набор у каледжы і ПТВ — прыкладна на 7%. То бок доля тых, хто выбраў прафадукацыю, скарацілася. У 2024 годзе ў беларускія вучэльні прынялі 28,3 тыс. абітурыентаў, а ў каледжы — 39,1 тыс. Лічбы падобныя да плану прыёму 2025 года. Значыць рэзкага росту няма.
Скарачэнне долі тых, хто выбраў прафадукацыю, пацвярджае і статыстыка 10-гадовай даўнасці. Тады ў ПТВ і каледжы набіралі больш навучэнцаў, чым цяпер, хоць выпускнікоў школ у той час было менш. Атрымліваецца, што цікавасць да працоўных спецыяльнасцяў у апошняе дзесяцігоддзе не расце, а падае.
