Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Нашыя журналісты атрымалі прэмію Ганса Штайгэра за журналісцкія расследаванні ад Міжнароднага цэнтру журналістаў (ICFJ), прэмію за свабодныя СМІ (Free Media Award) ад фондаў ZEIT-Stiftung Bucerius і Fritt Ord, а таксама прэмію за дасягненні ў журналістыцы дадзеных (Data Journalism Award) ад Грамадства садзейнічання развіццю працоўнай дзейнасці журналістаў і рэдакцыі (SABEW). Наш праект Dubai Unlocked увайшоў «у шорт-ліст» Sigma Awards.
З 2018 па 2026 год нашыя журналісты таксама атрымалі 11 узнагародаў беларускай нацыянальнай прэміі «Вольнае слова».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
Рэдактар «СБ» заявіў, што ў ЗША няма ветракоў. Разбіраемся, ці так гэта
Навязванне ЗША ветракоў абмяркоўвалі 23 сакавіка 2024 года ў «Клубе рэдактараў».
ЗША навязваюць іншым краінам устаноўку ветракоў. Пры гэтым у саміх ЗША іх няма, заявіў рэдактар выдавецкага дому «Беларусь сёння» Дзмітрый Жук. Каманда Weekly Top Fake высветліла, ці так гэта.
Навязванне ЗША ветракоў абмяркоўвалі 23 сакавіка 2024 года ў «Клубе рэдактараў».
«Колькі мы ні глядзелі сюжэтаў пра Амерыку — мы не бачылі там такіх выдатных пейзажаў, як у Нідэрландах з ветракамі. Вось няма! Ну няма! А чаму няма? Таму што, зноў жа, з майго пункту гледжання, гэта добра прадуманая не тое каб афёра, а барацьба з канкурэнтамі. Вось яны навязалі Еўропе дарагую, апрыёры дарагую электраэнергію», — разважае Дзмітрый Жук.
Гэта не так. У ЗША досыць шмат пейзажаў з ветракамі.
Багаты на ветракі і Тэхас, там знаходзіцца другая па велічыні ветраферма ў краіне.
У рэйтынгу краін-вытворцаў энергіі ветру — ЗША на другім месцы ў свеце. А на першым — Кітай. На яго долю прыпадае 40% сусветнай магутнасці ветрагенератараў, усталяваных на зямлі, і 50% — у моры.
