Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Нашыя журналісты атрымалі прэмію Ганса Штайгэра за журналісцкія расследаванні ад Міжнароднага цэнтру журналістаў (ICFJ), прэмію за свабодныя СМІ (Free Media Award) ад фондаў ZEIT-Stiftung Bucerius і Fritt Ord, а таксама прэмію за дасягненні ў журналістыцы дадзеных (Data Journalism Award) ад Грамадства садзейнічання развіццю працоўнай дзейнасці журналістаў і рэдакцыі (SABEW). Наш праект Dubai Unlocked увайшоў «у шорт-ліст» Sigma Awards.
З 2018 па 2026 год нашыя журналісты таксама атрымалі 11 узнагародаў беларускай нацыянальнай прэміі «Вольнае слова».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
У доларах беларусы зарабляюць менш за ўсіх у СНД? Праверылі словы эксперткі «Еўрарадыё»
Больш зарабляюць расейцы, казахі, малдаване і армяне.
Беларусы летась зарабілі на 21% больш, чым у 2022-м. Калі лічыць у рублях. У доларах жа іх заробкі — самыя нізкія сярод краін СНД, распавяла экспертка ў эфіры «Еўрарадыё». Каманда Weekly Top Fake праверыла гэтую інфармацыю.
Пра беларускія заробкі гаворка зайшла 14 чэрвеня 2024 года ў эфіры «Еўрарадыё». Аліса Рыжычэнка, экспертка ў сферы дзяржаўнага кіравання і міжнароднага развіцця, распавяла, колькі зарабляюць беларусы ў параўнанні з жыхарамі іншых краін СНД.
«У нас на сённяшні дзень толькі за мінулы год павелічэнне намінальнага заробку ў 20%, рэальнага — у 13% за год. Гэта самы высокі паказнік па краінах СНД. Пры гэтым у доларах усё роўна мы атрымліваем практычна ніжэй, чым усе астатнія краіны СНД», — заключыла экспертка.
Сярод усіх краін СНД у Беларусі заробкі сапраўды раслі хутчэй за ўсіх. За год яны павялічыліся ў рублях на 21%.
Памылілася Аліса Рыжычэнка ў ацэнцы заробкаў у доларах. Паводле апошняй на момант публікацыі статыстыкі па краінах СНД, Беларусь па ўзроўні заробкаў знаходзіцца пасярэдзіне. Больш зарабляюць расейцы, казахі, малдаване і армяне. А менш — жыхары Азербайджану, Узбекістану, Кыргызстану і Таджыкістану.
