Уначы з 13 на 14 лютага на беларуска-літоўскай мяжы прадстаўнікам ініцыятывы «Рабочы Рух» сумесна з беларускімі актывістамі ўдалося заблакаваць увоз на тэрыторыю Еўразвязу прадукцыі прадпрыемства «Горадня Азот», якое знаходзіцца пад санкцыямі. Пры гэтым прысутнічалі журналісты Беларускага расследавальніцкага цэнтру.
На памежным пункце пропуску Райгардарс (Літва) (з боку Беларусі – Прывалка), былі спыненыя дзве фуры, якія на той момант ужо прайшлі мытны кантроль Літоўскай Рэспублікі.
Кіраўніку Беларускага расследавальніцкага цэнтру Станіславу Івашкевічу ўдалося паразмаўляць з кіроўцам першага грузавіка, які пацвердзіў, што ўгнаенні пагрузілі ў яго машыну на прадпрыемстве «Горадня Азот». Кіроўца таксама паведаміў, што ён не ў курсе, што груз санкцыйны і проста вязе яго да месца прызначэння. Шафёр другой фуры пацвердзіў аналагічнае паходжанне свайго грузу.
Пасля абмеркавання сітуацыі з прадстаўнікамі літоўскай паліцыі, супрацоўнікамі мытні і пагранічнікамі, было прынята рашэнне развярнуць гэтыя фуры і адправіць іх на дадатковую праверку.
Іншыя Навіны
Навіны
У Літве правераць сувязі віцэ-прэзідэнта Канфедэрацыі прамыслоўцаў з беларускім бізнесам пасля расследавання БРЦ
Завод «Новус Індустры», які належаў літоўскаму мільянеру Сігітасу Паўлаўскасу, гандляваў з кампаніямі ягонага холдынгу VMG Group у 2023—2024 гадах.
19 кастрычніка 2026
Чытаць
Навіны
«Імёны бенефіцыяраў кампанія не раскрывае». Што «Новус Індустры» адказала БРЦ пра пастаўкі мэблі, уладальнікаў і падабенства да IKEA
Былы падрадчык шведскага брэнду заявіў, што не пастаўляе прадукцыю на акупаваныя тэрыторыі, але не раскрыў імёнаў новых бенефіцыяраў і заказчыкаў.
13 кастрычніка 2026
Чытаць
Навіны
Суды, даўгі і санкцыі. «Шале Лукашэнкі» пад Сочы пераўтвараецца ў даўгабуд
«Там з самага пачатку кідальніцкая схема», — сцвярджае крыніца БРЦ.
27 жніўня 2026
Чытаць
