На 1 студзеня 2022 года ў краіне афіцыйна дзейнічалі 1916 СМІ. З іх 641 дзяржаўных і 1275 недзяржаўных. У красавіку 2023 года іх колькасць скарацілася да 1194 медыяў, з якіх 548 належаць дзяржаве, 646 – незалежныя. Колькасць апошніх пасля поўнамаштабнага ўварвання Расеі ва Украіну скарацілася амаль у два разы.
Больш за ўсё СМІ зачыняліся ў перыяд з сярэдзіны мінулага гады па красавік бягучага. Да гэтага моманту некаторыя папулярныя медыі былі прызнаныя экстрэмісцкімі, спынілі працу ўнутры Беларусі і ў статыстыку міністэрства інфармацыі не траплялі. Напрыклад, TUT.BY, «Наша Ніва», «Новы час», «Камсамольская праўда ў Беларусі» ды іншыя.
Мацней за ўсё пацярпелі друкаваныя СМІ – газеты і часопісы. За год з лішнім рынак страціў 626 з 1180 выданняў.
Колькасць СМІ скарацілася на фоне ўвядзення ў траўні мінулага году падатку на рэкламу для беларускіх юрыдычных асоб і ІП. Рэкламадаўцаў абавязалі плаціць 20% ад кошту рэкламы, размешчанай у недзяржаўных СМІ. Атрыманыя грошы накіравалі на развіццё дзяржСМІ. Гэта магло выклікаць адток рэкламадаўцаў, якія раней супрацоўнічалі з прыватнымі выданнямі.
Іншыя Навіны
Ад золата і зброі да канферэнцыі ААН. Як двое беларусаў пакараюць Зімбабвэ
Беларускія бізнесоўцы, фігуранты журналісцкіх расследаванняў, прадстаўляюць афрыканскую краіну на кліматычным саміце.
«Аўтары будуць адпраўлены па маршруце з трох літар». Генпракуратура Абхазіі адказала на запыт БРЦ
У верасні 2022 года Аляксандр Лукашэнка наведаў Абхазію і сустрэўся з яе лідарам Асланам Бжанія.
