Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Нашыя журналісты атрымалі прэмію Ганса Штайгэра за журналісцкія расследаванні ад Міжнароднага цэнтру журналістаў (ICFJ), прэмію за свабодныя СМІ (Free Media Award) ад фондаў ZEIT-Stiftung Bucerius і Fritt Ord, а таксама прэмію за дасягненні ў журналістыцы дадзеных (Data Journalism Award) ад Грамадства садзейнічання развіццю працоўнай дзейнасці журналістаў і рэдакцыі (SABEW). Наш праект Dubai Unlocked увайшоў «у шорт-ліст» Sigma Awards.
З 2018 па 2026 год нашыя журналісты таксама атрымалі 11 узнагародаў беларускай нацыянальнай прэміі «Вольнае слова».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
У ЗША паказваюць рэкламу з заклікам спыніць фінансаванне Украіны? Каманда WTF знайшла арыгінал відэа
Журналісты Weekly Top Fake знайшлі арыгінал відэа. Яго апублікавалі на YouTube у траўні 2021 года.
Рэспубліканская партыя праз рэкламу прасоўвае ў ЗША антыўкраінскія настроі, паведамілі аўтары тэлеграм-канала «Шкварка News». У якасці доказу яны паказалі відэа з турніру па боўлінгу, на якім бачны лозунг «хопіць фінансаваць Украіну» са спасылкай на афіцыйны сайт рэспубліканцаў. Журналісты Weekly Top Fake праверылі, ці так гэта.
Прадстаўнікі рэспубліканскай партыі ЗША блакуюць зацвярджэнне ў Кангрэсе ваеннай дапамогі для Украіны ў памеры $60 млрд. Галасаванне па гэтым пытанні павінна адбыцца да канца сакавіка. На гэтым фоне праўладны тэлеграм-канал «Шкварка News» 11 сакавіка апублікаваў 9-секунднае відэа са спаборніцтваў па боўлінгу, на якім бачная рэклама Рэспубліканскай партыі ЗША.
«Тым часам рэспубліканцы люта заклікаюць спыніць фінансаванне Украіны і закупляюць для гэтага рэкламу.
На турніры па боўлінгу ў ЗША з'явілася рэклама са словамі “Хопіць фінансаваць Украіну” і спасылка на афіцыйны сайт рэспубліканцаў», — гаворыцца ў посце.
Журналісты Weekly Top Fake знайшлі арыгінал відэа. Яго апублікавалі на YouTube у траўні 2021 года — яшчэ да поўнамаштабнага расейскага ўварвання ва Украіну. На ім бачная рэклама не Рэспубліканскай партыі, а кампаніі Manscaped, якая спецыялізуецца на вытворчасці брытвавых прыладаў.
