Антыфэйк / фактчэк

30 мая

Кампаніі Boeing пагражае фінансавы крызіс праз санкцыі супраць Расеі? Правяраем інфармацыю «Беларусь 1»

Санкцыі парушылі адладжаны механізм паставак цеплаабменнікаў для Boeing.

Сур'ёзныя праблемы чакаюць кампанію Boeing праз санкцыі супраць Расеі, паведамілі ў эфіры «Беларусь 1». Нібыта толькі нашыя суседзі ў прамысловых маштабах вырабляюць цеплаабменнікі, неабходныя для самалётаў. Каманда Weekly Top Fake праверыла праўдзівасць гэтых заяваў. 

Пра ўнікальныя запчасткі для Boeing, якія вырабляюцца толькі ў Расеі, распавялі 22 траўня 2024 года ў праграме «Трэнды» на «Беларусь 1». 

«Механічнай дэталлю сістэмы з'яўляюцца цеплаабменнікі. Іх робяць у Расеі. Пасля ўвядзення ЗША санкцый супраць Расеі пастаўкі спыніліся. Аказваецца, больш ніхто іх у прамысловых маштабах не робіць акрамя абкладзенай санкцыямі Расейскай Федэрацыі», — прагучала ў эфіры.

Па запыце «цеплаабменнікі для Боінга з Расеі» гугл выводзіць на амерыканскую газету The Wall Street Journal. У пачатку траўня там выйшаў артыкул пра гэтыя дэталі. Відаць, з яе вядоўца АТН і ўзяў інфармацыю. Толькі перадаў яе няправільна. 

Расея не робіць унікальныя цеплаабменнікі для Boeing. Іх вырабляе амерыканская кампанія Raytheon Technologies Corp. У РФ у яе было сумеснае прадпрыемства «Хамільтан Стандарт-Навука». 

Пасля пачатку поўнамаштабнай вайны, у сакавіку 2022 года амерыканская кампанія закрыла там вытворчасць і перанесла яе на заводы ў ЗША і Вялікую Брытанію. Першы час заказаў было няшмат, таму прадпрыемства спраўлялася. А цяпер яго магутнасцяў недастаткова, каб закрыць патрэбы ў дэталях. 

Гэта значыць, што санкцыі парушылі адладжаны механізм паставак цеплаабменнікаў для Boeing.

Дашліце інфармацыю, якая выклікае ў вас сумневы — мы праверым

Іншыя Антыфэйкі / фактчэкі

Замест «Мрії» — клумбы? Ці сапраўды ва Украіне грошы, выдзеленыя на аднаўленне легендарнага самалёта, выдаткавалі на кветкі
Антыфэйк / фактчэк

Замест «Мрії» — клумбы? Ці сапраўды ва Украіне грошы, выдзеленыя на аднаўленне легендарнага самалёта, выдаткавалі на кветкі

Ан-225 «Мрія» — гэта транспартны самалёт з самай вялікай грузападымальнасцю ў свеце, які стварылі пад касмічную праграму.

13 чэрвеня 2024 Чытаць