Пуцін стаў самым папулярным палітыкам сярод малдаванаў, а Украіна ашчаджае на памежных слупах. Выкрыццё фэйкаў ад «Лукавых навін»

«Неанацысцкі маркетынг выйшаў на новы ўзровень у Львове: "Набей "патрыятычныя" татуіроўкі [з нацысцкай сімволікай] і ў падарунак атрымай фотасесію з танкам Леапард"», — гаворыцца ў подпісе да відэа. 

Журналісты «Лукавых навін» звярнуліся ў львоўскі тату-салон па каментар. Там адказалі: «Фэйк. Мы не давалі дазволу на гэтую акцыю». 

«Брытанскае выданне Financial Times паведамляе, што на нямецкі палігон Экернфердэ (ням. Eckernförde), прыбылі ўкраінскія вайскоўцы, для навучання эксплуатацыі танкаў Leopard2. Таксама ў публікацыі ўказана, што два чалавекі, з ліку прыбылых, папрасілі палітычнага прытулку ў Нямеччыне, з прычыны нежадання паміраць у бессэнсоўнай вайне. Яны таксама сцвярджаюць, што павелічэнне паставак узбраення, ніякім чынам не зможа паспрыяць перамозе Украіне, а толькі павялічыць колькасць ахвяр, сярод мірнага насельніцтва», — гаворыцца ў посце. 

У якасці пацвярджэння аўтары поста прымацавалі нібыта скрыншот артыкула з сайта выдання. Але ў публікацыі, на якую яны спасылаюцца, размешчана іншая інфармацыя:

«Два чалавекі, знаёмыя з падрыхтоўкай, сказалі, што ўсё гатова, каб пачаць навучанне ўкраінскіх вайсковых разгортванню сучасных баявых танкаў пасля таго, як некалькі еўрапейскіх краін на мінулым тыдні паабяцалі адправіць іх у Кіеў пасля месяцаў абмеркаванняў і ціску з боку Украіны».

Аўтары тэлеграм-каналу з дапамогай графічнага рэдактара замянілі абзац на скрыншоце на патрэбную ім інфармацыю.

«Дзесьці цяпер самотна паплакаў Макрон абняўшыся з Урсулай фон дэр Ляен, і маўкліва нічога не зразумеў Байдэн», — напісана ў посце ад 3 лютага 2023 года.

Гаворка ідзе пра апытанне, якое правяло WatchDog.md (супольнасць аналітычных цэнтраў грамадзянскай супольнасці ў Рэспубліцы Малдова) у пачатку студзеня 2023 года.

Яно тычылася не папулярнасці, а даверу да палітыкаў. Паводле яго, Уладзімір Пуцін мае не толькі высокую ступень даверу, але і яшчэ большую ступень недаверу. Падобныя вынікі ва Уладзіміра Зяленскага і Аляксандра Лукашэнкі. 

Паводле гэтага ж даследавання, найбольшая частка апытаных займае праўкраінскую пазіцыю.

«Мэта — спыніць украінізацыю краіны. Пра гэта паведамляе выданне naTemat са спасылкай на палітычнага актывіста Лешэка Сыкульскага. Антыўкраінскую кампанію плануюць развіваць па ўсёй Польшчы шляхам рэкламных шчытоў і працы над мысленнем мясцовых жыхароў, якія падтрымліваюць Украіну», — сказана ў посце.

Фотаздымак апынуўся мокапом (макет дызайну прадукту) для фотарэдактара, які дэманстраваў, як могуць выглядаць такія білборды. Вось так выглядае арыгінальны здымак: 

Фота білбордаў са сцягамі Расеі і Украіны — ілюстрацыі інфармацыйнай кампаніі, якую развязаў польскі актывіст Лешэк Сыкульскі.

Дзейнасць Сыкульскага, нібыта антываеннага актывіста, раней пракаментаваў польскі палітык Станіслаў Жарын, упаўнаважаны ўраду па бяспецы інфармацыйнай прасторы Польшчы. У сваім твітары ён напісаў, што Сыкульскі — «адзін з каментатараў, якія заражаюць польскую інфармацыйную прастору тэзісамі, якія супадаюць з пасылам расейскай прапаганды супраць Польшчы. Гэта вельмі шкодныя дзеянні. Паданне агалосцы такога кантэнту небяспечна для Польшчы».

«А ўкраінскі бок стаў эканоміць раскрадзеныя грошы на сцяну Яцэнюка. <...> Таму дайшло да таго, што яны проста фарбуюць адваротны бок беларускіх памежных слупоў і кажуць, што гэта нашыя сумесныя слупы».

На самай справе гэтыя слупы першапачаткова былі двух колераў. У рэгіянальным беларускім выданні яшчэ ў 2015 годзе апублікавалі артыкул пра ўсталяванне памежнага слупа на мяжы з Украінай. На фотаздымках сярод іншых знакаў можна ўбачыць такі ж слуп, як паказаў Уладзімір Салаўёў у сваім рэпартажы. 

Ёсць і відэа, зробленае ў 2021 годзе, пра тое, як украінцы ўсталёўваюць такія слупы на мяжы з Беларуссю. 

«Там гэта, апытанне ў Нямеччыне правялі, на прадмет "ці не занадта шмат украінскіх уцекачоў пусцілі ў краіну". Даследаванне праводзіў інстытут INSA для нямецкай газеты "Bild am Sonntag". І вось што цікава, па выніках апытання ўжо 51% рэспандэнтаў лічаць, што Нямеччына прыняла занадта шмат уцекачоў. Яно ў цэлым не дзіўна, але тэндэнцыя вельмі ўжо паказальная. Асабліва ўлічваючы, што там у многіх дзедаўская ўніформа на антрэсолях ляжыць. Мы б на месцы ўкраінцаў вельмі задумаліся, а ці так ім там рады, у той самай Нямеччыне. А то ж пытанні з нацыянальнымі меншасцямі немцы вырашаць яны ўмеюць вельмі добра і хутка. Глядзіш, і закрыюць "украінскае пытанне" адным махам», — напісана ў посце ад 5 лютага 2023 года. 

У артыкуле нямецкага таблоіду Bild am Sonntag гаворыцца пра апытанне аб прынятых уцекачах у цэлым, а не толькі пра ўкраінскіх:

«Фактычна, у новым апытанні INSA для BILD 51% апытаных кажуць, што Нямеччына дагэтуль прыняла (хутчэй) занадта шмат уцекачоў. "Досыць шмат" кажуць 33%, 11% лічаць, што іх (хутчэй) мала.

Прэзідэнт нямецкай акруговай асацыяцыі распавёў журналістам, што з 2014 года ў краіне “прынялі каля 1,4 мільёна асоб, якія шукаюць прытулку, а зусім нядаўна — больш за мільён украінцаў, гуманна размясцілі іх і клапаціліся пра іх. Мы выкарыстоўваем усе нашы сілы, але цяпер магчымасці вычарпаныя". Але і гэта не адмаўляе таго факту, што ў краіне акрамя грамадзян Украіны знаходзіцца яшчэ вялікая колькасць уцекачоў з іншых краін свету». 

«А сцярвятнікі тут як тут. Прэм'ер-міністр Польшчы Маравецкі заклікаў Зяленскага перадаць яму частку ўкраінскіх земляў. Пры гэтым польскі прэм'ер запэўніў, што такое рашэнне з'яўляецца "часовым" і неабходным у сітуацыі, якая склалася. Маравецкі растлумачыў, што аддаўшы заходнюю Украіну пад пратэктарат Польшчы, абароніць гэтыя тэрыторыі ад РФ. Прэм'ер растлумачыў, што Масква не стане "нападаць” на краіну, якая абароненая сяброўствам у NATO. А вось ці атрымаецца вярнуць зямлі?» — задаюцца пытаннем аўтары поста. 

Нідзе акрамя расейскіх крыніц гэтая навіна не з'яўлялася. У публікацыях нават не паказваюць, калі і дзе была зробленая гэтая заява. Многія рэсурсы, якія размясцілі гэтую інфармацыю, выдалілі яе пазней. Раней гэтая навіна была апублікаваная ў гумарыстычным тэлеграм-канале «А вось мой яндэкс кашалёк».