Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Нашыя журналісты атрымалі прэмію Ганса Штайгэра за журналісцкія расследаванні ад Міжнароднага цэнтру журналістаў (ICFJ), прэмію за свабодныя СМІ (Free Media Award) ад фондаў ZEIT-Stiftung Bucerius і Fritt Ord, а таксама прэмію за дасягненні ў журналістыцы дадзеных (Data Journalism Award) ад Грамадства садзейнічання развіццю працоўнай дзейнасці журналістаў і рэдакцыі (SABEW). Наш праект Dubai Unlocked увайшоў «у шорт-ліст» Sigma Awards.
З 2018 па 2026 год нашыя журналісты таксама атрымалі 11 узнагародаў беларускай нацыянальнай прэміі «Вольнае слова».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
«Беларусь 1»: украінцы баяцца выходзіць на вуліцу пасля пачатку дзеяння закона аб мабілізацыі. Правяраем гэтыя заявы
Каманда Weekly Top Fake адправіла аператара, каб зняць, як выглядаюць вуліцы Кіева.
Пасля ўступлення ў сілу закона, які зрабіў больш жорсткай мабілізацыю, украінцы не выходзяць на вуліцу. Пра гэта паведамілі на тэлеканале «Беларусь 1», удакладніўшы, што так мужчыны хаваюцца ад супрацоўнікаў тэрытарыяльных цэнтраў камплектавання (ТЦК). Такая ж інфармацыя прагучала ў эфіры «Радыё Беларусь». Каб праверыць гэта, журналіст Weekly Top Fake прагуляўся вуліцамі Кіева.
З уступленнем 18 траўня ў сілу новага закона ўкраінцам, якія не з'явіліся ў ваенкамат па позве, пагражаюць штрафы. Іх нават могуць прывесці ў ТЦК прымусова. Гэтую тэму закранулі 23 траўня 2024 года ў перадачы «Рэмарка» на тэлеканале «Беларусь 1». Вядоўца Дар’я Рачко распавяла, што мужчыны баяцца выходзіць на вуліцы.
«Пустыя вуліцы, людзі хаваюцца па дамах або ночаць на працы, каб не сустрэць прадстаўнікоў тэрытарыяльнага цэнтру камплектавання. Карціна нагадвае фільм жахаў. Такім запомніцца ўкраінцам жыццё з 18 мая», — сказала вядоўца.
Далей паказалі некалькі кароткіх відэа з пустымі вуліцамі ўкраінскіх гарадоў.
Тое самае распавёў і вядоўца «Беларусь 1» Андрэй Сыч на «Радыё Беларусь» 23 траўня 2024-га.
«Ну вось усё ж паспеў Зяленскі падпісаць закон аб мабілізацыі. І на сённяшні момант таксама актыўна абмяркоўваецца тая сітуацыя, якая складваецца на вуліцах Украіны, калі людзі выходзяць, здымаюць відэа, калі няма ніводнага мужыка на вуліцах, ні ў гандлёвых цэнтрах, ні на гарадскіх плошчах».
Каманда Weekly Top Fake адправіла аператара, каб зняць, як выглядаюць вуліцы Кіева. Аказалася, што ў горадзе лёгка можна сустрэць мужчын.
